禾牛薈火煱館 (金馬倫道)

Open Now

Now Closed

放工同同事落尖沙嘴打邊爐，就喺金馬倫道中心位置，搭地鐵巴士都好方便，好啱放工後即刻去🏃🏻‍♀️普通湯底就試得多，鮑魚加牛蹄湯真係好少見，依個魚與鴻掌湯係意想不到咁夾，牛蹄超巨型，近骨嘅肉好好咬，越滾仲越濃味😀游水蝦水準高，蝦頭仲有膏添🥰游水蝦做開運動，所以肉好結實，一啲都唔霉～見隔籬枱碟重慶香辣蟹好正，我哋都叫咗碟～蟹用咗好多辛香料好似黑胡椒、花椒、孜然炒，香噴噴連殼嘅汁都舔埋😋店員話今日嘅加拿大象拔蚌好新鮮抵食，果然真係幾高質！味道鮮甜美味，嚼勁十足，一盤仲有好多塊，食極都仲有😚今餐真係好盡興，好鍾意同同事放工食好嘢嘅感覺，下次要叫多啲同事嗌多啲野食先得❣