米走雞 (太子藍馬之城)

Open Now

Now Closed

今晚又想食好食嘅港式雞煲火鍋，所以嚟咗呢間位於太子嘅「米走雞」！✨ 火焰麻辣雞煲。為晚餐添上一把火🔥🔥我想講嘅系佢真係好好好食🤗🤗 麻辣味調到啱好，再加上肥美嘅雞肉，雞肉煮到外皮燒香，但肉質好juicy，重點係啱啱好辣，真係食得好爽！🤠✨ 煲仔飯配竹笙墨魚滑，真係驚喜到我！🤭佢地卑嘅量好足，料都好香！竹笙嘅口感好Q彈，再加上墨魚滑，每一口都好似滑入喉咁，爽口又香滑，完全冇得頂！✌🏼✨ 烏卒卒黑松露手打鮮墨丸。黑松露嘅香味實在太吸引人啦！再配香滑墨魚肉丸，好夹！每一粒嘅大小都好平均，唔會話呢粒大個粒小，真係整得好好，每粒肉丸都好有彈性，松露香味十足，食左好難忘！✨ 最後點左會萵荀片滋潤下火，完美結束咗呢一餐！食完之後口感清新，配上新鮮嘅萵荀，令我完全無法抗拒！真係要比師傅個個讚！👍🙆‍♀️總括嚟講，「米走雞」嘅雞煲好獨特，味道麻辣醇厚，價錢啱口袋，再加上佢卑份量好足，真係食得好抵！