MR. MAKI (保和大廈) (Closed)

嗌咗個卷物 69 蚊，加多 19 蚊就有餐，就有齊飲品、沙律同埋炸雞，加 28 蚊嗰個餐仲可以有個拉麵添，係抵食嘅。卷物選擇多之餘口味仲相當 fushion，啱哂貪新鮮嘅我嚟試多幾次。炸雞炸得非常酥脆，雞肉嫩滑，味道特別得嚟又好好味，沙律菜夠哂新鮮，只係簡單以麻醬調味已經好好。帶子被困火焰山，帶子火焰山賣相精美，廚師將佢輕輕焗過，未打開個蓋都已經香氣四溢。面頭有為數不少嘅帶子，原來佢啲帶子唔係卷埋入去個卷物裏面嘅，而係放喺面頭，可以就咁夾啲帶子嚟食，另仲有海量嘅蟹柳、芝士同埋蟹子，醬汁係大阪燒汁加少少沙律醬，同微酸嘅壽司飯非常配襯。