嗦爸螺螄粉

Open Now

Now Closed

先講環境店鋪衛生情況極差，有好多烏蠅有好多蚊，張枱、坐嘅凳、餐牌等等，全部都係癡粒粒嘅。食物方面個湯已經唔好味，都算，配料似係浸落去多過煮熟，硬骨骨，麵質都好差，好似未熟咁，成碗粉比我嘅感覺就係好似食緊嗰啲預製食物咁，一包包Pack好晒落滾水倒開俾你食。串燒全部嘢一樣味，又甜又咸，肉質極度不新鮮，口感味道都似係放咗好耐壞壞哋或者就嚟變壞嘅肉咁，我完全接受唔到，食一啖我就摞返出嚟。唯一係炸饅頭🤡叫做正正常常食得落肚。（我淨係影咗串燒相）價錢方面各位自己喺度睇相睇到餐牌都知，絕對唔係咩平民價，但係講真咁嘅質素，收呢個價錢會唔會太過分？總結我都係睇完食評去食，伏到攤攤腰，唔希望再有人中伏。食完完全唔明點解啲人話好食，但係睇返餐廳有牌寫明，寫好評有優惠😵即刻明晒Btw唔知關唔關事但寫埋先，朋友食完之後第二日腸胃炎，但我自己就冇嘢嘅。