Video
Read full review
2016-12-20
207 views
小弟一直都好鍾意一大班朋友一齊食放題，貪佢咩都有又可以叫幾多食幾多。諗住sem break約埋班frd一齊食放題慶祝，上網睇左幾間，朋友本身提議左一間，但我又心思思想試下新野。一開OpenRice 就見到呢間相撲手係頭位，又見佢有幾多好評，就同朋友講不如試下呢間，有蠔有長腳蟹，好似幾吸引。期待左好耐既放題，點知令大家都失望，仲有啲嬲。一入到去見到環境唔多靚同乾淨，不過唔緊要，食物先係重點。坐底叫野食，一開頭叫刺身同串燒，等左好耐先有，咁食住其他先啦。熟食沙律一般，入得口但又未至於令你想再叫。終於有刺身啦，一放低，係就咁一盤野，無裝飾乜都無。唔緊要，可能好好食呢。食落各樣質素平平，完全唔明啲食評點解可以讚到啲帶子咁鮮甜咁好食。食食下發現，點無玉子同蟹腳既？諗住佢miss左，唔緊要，咁下一盤再叫啦。下一盤又係等左好耐先有，黎到又係無玉子同蟹腳，今次就連馬刀貝都無埋。朋友開始嬲嬲地，於是問侍應點解無呢幾樣野。個侍應同我地講今日無曬呢幾樣啦。算啦，無又唔係侍應既錯，加上佢地只係打工，無謂揾佢地出氣。至於佢地主打有任食生蠔，真係任食既，但淡淡地無乜味，不過都ok la，至少唔臭。串燒都叫做係咁多
期待左好耐既放題，點知令大家都失望，仲有啲嬲。
一入到去見到環境唔多靚同乾淨，不過唔緊要，食物先係重點。坐底叫野食，一開頭叫刺身同串燒，等左好耐先有，咁食住其他先啦。熟食沙律一般，入得口但又未至於令你想再叫。終於有刺身啦，一放低，係就咁一盤野，無裝飾乜都無。唔緊要，可能好好食呢。食落各樣質素平平，完全唔明啲食評點解可以讚到啲帶子咁鮮甜咁好食。食食下發現，點無玉子同蟹腳既？諗住佢miss左，唔緊要，咁下一盤再叫啦。下一盤又係等左好耐先有，黎到又係無玉子同蟹腳，今次就連馬刀貝都無埋。朋友開始嬲嬲地，於是問侍應點解無呢幾樣野。個侍應同我地講今日無曬呢幾樣啦。算啦，無又唔係侍應既錯，加上佢地只係打工，無謂揾佢地出氣。
至於佢地主打有任食生蠔，真係任食既，但淡淡地無乜味，不過都ok la，至少唔臭。
串燒都叫做係咁多野入面比較好少少，我地就唯有食串燒同壽司塞飽個肚。
飲品方面，又係同食評有出入。明明讚佢好多選擇，係就係有好幾款揀，不過都唔係好岩我地，唯有只飲烏龍茶同蘆薈。口味係好個人，但食過幾間不同既放題，我地知道咩先叫多選擇，同埋咩先好飲。擺到明呢間既飲品係種類同味道上係遠遠比不上其他放題。
最後就係咁岩有朋友生日，咁就同佢慶祝埋。間放題送左個"大拖羅"薯蓉，點曬煙花蠟燭咁。我無食到，但根據朋友既comment，所謂既"大拖羅"一定唔係咁既質素同味道，難食到佢地要加埋粗口黎形容。
就係咁，我地本來好期待既放題，就比呢間好多好評既相撲手搞到好失望。比左成三百蚊，無理由只係咁既質素。唔明白點解會咁多好評，強烈建議比好評既人試下其他放題，同樣價錢，有更好選擇。
平時食放題會影好多相，因為啲刺身會擺得好靚好有心機。但今次，真係好失望
最後一提，呢間野係無甜品嫁，得雀巢雪糕
Post
