東京一番 (Closed)

之前留意到Facebook有人推介呢一間放題抵食兼好食，見到有團購賣就諗住去試吓啦，點知真係出晒事！我未試過食放題係會食唔飽嘅，兩個鐘頭限時，但係我哋18:50坐低叫咗刺身、串燒、天婦蘿、同其他小食，結果只係嚟咗刺身一碟！眼見周圍枱嘅人都不斷有嘢食，但我地只可以你眼望我眼等左半個鐘都未開始有一碟熟嘅嘢食上枱！！不斷交order紙，仲揾埋個話得事嘅人幫我地跟，都係無等到傻左都未有！終於開始有少量既串燒上枱，但之後再交既單都係失左蹤！等得耐唔緊要，因為晚市多人我地都明，只要你廚房有單嘅我都可以等。但等左咁耐原來係交10張單只有兩張係入到廚房整？！咁樣嘅出菜程序係呢一間餐廳最失敗嘅地方，呢一間餐廳我永遠唔會再去而且會同朋友講唔好幫襯！或者飲食業真係好難做，但係一個侍應要去滿足客人嘅要求唔係靜止沉默或者點頭就可以令到個客人滿意返。