小肥牛蒸氣石鍋火鍋專門店 (Closed)

有被騙的感覺！唔會有下次！！！時令貝及鮑魚有鯹味，廚房居然話是正常。食物超少份量，美國肥牛及牛碾切得勁薄！食完好似陣風咁！四寶丸超級迷你細粒，雖然有四送一優惠，但折實每人$244. 因為是優惠套餐，不是任食，所以五個人，都只是有相片上的食物，之後要每碟計。飲品也是自費，又無忌廉，咁算，改要菊花茶，又只得2罐。其實有上下兩層，懷疑店員懶得去第二層取。其實比平常折實每人$198.的價錢貴$50.也正常，因為是星期日。但D海鮮明明唔新鮮都話正常就好大問題！從未試過打邊爐會差成咁！本身開開心心的生日飯局，被這店毀掉了！👿👿👿因為不久之前試過幫趁尖沙咀小肥牛，質素高及食到個個 捧住個肚，抵食又好味！所以對小肥牛十分有好感。但亦有同事去過灣仔小肥牛幫襯，也是彈多過讚，叫我千萬不要上當。我以為是他們太嘴刁及大食。誰不知今次到油麻地分店幫襯，連我也極度不滿！這店的食物質素差！份量少！怪不得星期日都無乜客，仲話限食兩小時，根本不用一小時已清碟。根本連一粒星都唔值！這店唯一可取是無乜人，唔會太嘈。