Spring field (Closed)

三大一BB，36度天氣下排隊半個鐘後，因為4人無檯就俾排後邊嘅二人入咗先。見狀就同貌似老闆嘅店員講，如果無4人檯應提早講，我地兩個兩個入。就因為呢個提議，個店員一輪嘴話咗我地好多嘢，話無理由為咗我趕佢d食客走⋯⋯請問我何德何能趕到人走，我提議分開自己group人坐，都俾佢話。算，我認。再等多10分鐘終於入到，一坐低無1分鐘，即刻遞上三大人份量order紙。叫和牛飯，無；叫金邊粉，無；想look卡，無。然後仲俾個老闆話我未齊人，貌似想叫翻我地出去等齊人再入。我即刻話，由於天氣太熱，排隊又太耐，爸爸帶bb上車吹住冷氣等，宜家行緊過黎。個老闆都好似唔想放過我咁，係咁話講明齊人先可以入（其實我係出邊等咗咁耐，完全無人提過我地呢樣），又話如果我再駁佢嘴，就叫我走，唔做我生意，要我乖乖坐定定。其實先唔好講d嘢好唔好食，但呢個所謂老闆，連最基本嘅尊重人都做唔到。越南粉迷都知，正唔正宗，用肉眼睇下個湯底都知。呢間只不過係加咗‘和牛’噱頭嘅港式越南粉。入到舖頭連基本嘅牛骨湯味都無⋯⋯無錯，到最後不歡而散。