五要素食堂 (Closed)

星期五晚同我朋友去呢間餐廳度食飯，當時八點幾個亞裔員工就話得門口嗰張面壁枱同埋outdoor有位，我哋當然揀outdoor啦，跟住佢就指都冇指就由得我哋自己搵條路出去。跟住我哋同第二個員工落咗一個二人餐，個餐有湯有沙律，有兩個頭盤兩個大盤兩個甜品，仲有一支酒添。當然啲嘢好快就到啦，Sin嚟咗兩個湯同埋兩個沙律我哋都未開始飲湯，佢已經隊個主菜嚟，十幾二十分鐘已經成枱都係食物，我哋食咗1/5都冇，個亞裔員工已經攞啲甜品過嚟，我同佢講我哋大盤都未食完喎！佢就話佢收9:30但嗰陣時已經係8:54！隔咗10分鐘佢再行過嚟好大聲問「Finished?」咁我朋友唯有話俾多10分鐘我哋，跟住佢話所有人走晒淨係等我哋，然後喺我哋面前舉起隻手望錶，好不耐煩咁擰轉頭走咗去啊！結果我哋未食晒就喺9:34離開，佢哋多謝都冇講一聲，仲要黑口黑面！如果你咁想準時收工嘅，一早唔好俾我哋入嚟啦！或者我哋叫嘢嘅時候話聲我哋知你收9:30唔夠時間食咁多嘢啦！我真係未見過啲咁冇禮貌嘅人！今次真係見識到！