Video
Read full review
2012-08-11
30 views
嗰日我同朋友六點九去到，就滿心歡喜咁叫咗三杯啤酒。點知轉頭就有個女侍應走過嚟，我哋當然問吓佢有咩好嘢食介紹啦。點知，佢一個唔小心就推跌我杯啤酒，攪到一枱都係酒同玻璃碎，我個身都濕埋！最最最令我震驚嘅就係，我新買嘅Samsung S3就係咁比啲啤酒整濕晒，個電話買咗六日咋！😰當時我真係呆咗，而家諗番，我真係好後悔點解我冇發癲嘈爆佢哋，仲要比個電話佢哋拎去廚房吹乾。結果，嗰晚我全程冇晒胃口！其實諗番，佢哋啲嘢食唔平㗎，三個人食咗九百蚊到！啲嘢食都Ok嘅，但我已經嬲到唔記得自己食咗啲咩！😡最令我不滿嘅唔係間餐廳嘅食物質素，而係佢哋個老細嘅處事態度！第二日，因為個電話壞壞哋，所以我唯有打去搵佢哋賠償，接洽我嘅楊經理好好人，好有耐性聽我講，幫我，但無奈地佢話佢冇辦法賠償，因為呢啲係公司政策！我之後再寫信比佢哋嘅老細投訴，但佢完全當呢件事冇到！我真係唔明佢哋整壞我電話點解可以當冇咗件事，我有單有據係新買嘅，唔通我貪得意冇嘢做搵佢哋麻煩咩？唉。佢哋話唯一可以幫到我嘅方法，就係叫我比個電話佢哋拎去街邊舖整(因為濕咗保養已經唔受)！有冇攪錯？呢個都係解決方法？Anyway，我諗我冇可能再幫襯呢間餐廳，仲
點知轉頭就有個女侍應走過嚟，我哋當然問吓佢有咩好嘢食介紹啦。點知，佢一個唔小心就推跌我杯啤酒，攪到一枱都係酒同玻璃碎，我個身都濕埋！最最最令我震驚嘅就係，我新買嘅Samsung S3就係咁比啲啤酒整濕晒，個電話買咗六日咋！😰
當時我真係呆咗，而家諗番，我真係好後悔點解我冇發癲嘈爆佢哋，仲要比個電話佢哋拎去廚房吹乾。結果，嗰晚我全程冇晒胃口！
其實諗番，佢哋啲嘢食唔平㗎，三個人食咗九百蚊到！啲嘢食都Ok嘅，但我已經嬲到唔記得自己食咗啲咩！😡
最令我不滿嘅唔係間餐廳嘅食物質素，而係佢哋個老細嘅處事態度！
第二日，因為個電話壞壞哋，所以我唯有打去搵佢哋賠償，接洽我嘅楊經理好好人，好有耐性聽我講，幫我，但無奈地佢話佢冇辦法賠償，因為呢啲係公司政策！我之後再寫信比佢哋嘅老細投訴，但佢完全當呢件事冇到！我真係唔明佢哋整壞我電話點解可以當冇咗件事，我有單有據係新買嘅，唔通我貪得意冇嘢做搵佢哋麻煩咩？唉。佢哋話唯一可以幫到我嘅方法，就係叫我比個電話佢哋拎去街邊舖整(因為濕咗保養已經唔受)！有冇攪錯？呢個都係解決方法？
Anyway，我諗我冇可能再幫襯呢間餐廳，仲要係當晚佢哋唔止打爛我杯酒，第二張枱都發生同樣嘅事情！奇怪嘅係佢哋仲要有指引，叫我哋放個電話喺枱！咁點先？咁唔小心，但又不負責任！
Post