Video
Read full review
2014-07-22
5833 views
星期五晚我老公話佢收工後同我去尖沙咀食野... 我地去到間餐廳見冇位，問佢等幾耐又話唔確定... 咁我地都明白星期五晚大家都想hea啲，可能個晚餐會食耐咗... 咁個侍應就話留低電話號碼，等有位會call我地。我老公同我喺商場逛咗個幾鐘，都未有call到... 我地見時間都唔早，諗住行返去問下係咪有位，冇就出去食快餐就算... 點知... 去到嘅時候已經好多檯吉咗任我揀... 咁點解冇打俾我地？如果唔係我地行返轉頭，咪等到佢地收鋪都唔知咩事？！坐低之後我同我老公點咗啲野食... 等咗冇幾耐就開始serve野食，唔算太慢（我就更加唔明自己頭先點解要挨肚餓逛咗咁耐喇！！！）。咁第一樣就先serve麵包... 啲麵包表皮香脆入邊又好soft，仲食到啲oregano嘅香味，真係幾唔錯架～ 咁食完麵包喇，就serve我地點嘅野食... 首先，係個Minestrone（雜菜湯）。咁雜菜湯冇特定嘅recipe，鍾意咩味好個人... 我比較鍾意番茄味比較濃郁啲酸酸地咁嘅... 呢個就幾乎食唔到番茄味，湯底好竭，有啲似我之前食過嘅印度『dal』。Anyway，都係個人口味，我老公又覺得OK～接落嚟就係
我老公同我喺商場逛咗個幾鐘，都未有call到... 我地見時間都唔早，諗住行返去問下係咪有位，冇就出去食快餐就算... 點知... 去到嘅時候已經好多檯吉咗任我揀... 咁點解冇打俾我地？如果唔係我地行返轉頭，咪等到佢地收鋪都唔知咩事？！
坐低之後我同我老公點咗啲野食... 等咗冇幾耐就開始serve野食，唔算太慢（我就更加唔明自己頭先點解要挨肚餓逛咗咁耐喇！！！）。咁第一樣就先serve麵包... 啲麵包表皮香脆入邊又好soft，仲食到啲oregano嘅香味，真係幾唔錯架～
咁食完麵包喇，就serve我地點嘅野食... 首先，係個Minestrone（雜菜湯）。
咁雜菜湯冇特定嘅recipe，鍾意咩味好個人... 我比較鍾意番茄味比較濃郁啲酸酸地咁嘅... 呢個就幾乎食唔到番茄味，湯底好竭，有啲似我之前食過嘅印度『dal』。Anyway，都係個人口味，我老公又覺得OK～接落嚟就係我好期待嘅牛肝菌芝士意大利飯喇～
我都唔知係我期望太高定呢樣野真係太難食... 我真係好失望。碟飯一擺低，我見啲飯粒煮到發晒熟晒就知瀨咗野。第一啖入口，我簡直係俾雷劈咁... 點會咁難食架？！首先係... 好鹹，而且啲鹹味夾雜啲好奇怪嘅香料味（到而家我都仲諗緊究竟係咪肉桂粉），跟住竟然係落九層塔！大佬，邊有人煮risotto落九層塔架？！你落九層塔我都已經唔係幾接受到... 你仲要落香料落到好似落菜咁！我好鍾意食risotto架... 最後都係不敵啲怪味，放棄咗碟野。
呢個pizza嘅名好長... 係加咗黑松露、蘆筍、鮮水牛芝士、軟芝士、太陽蛋同番茄醬嘅pizza... 個pizza嘅餅皮做得幾好，外皮夠酥脆又夠薄，落芝士都冇手軟... 不過... 嗱，個pizza其實真係唔難食，不過... 點解食唔到番茄醬嘅味道... =_="
Other Info. :
我地到埋單都未等到個call，我仲好口多咁問佢點解冇人call我... =_= 佢就話漏咗，不過張名單其實擺咗埋邊，我地仲見到我地之前個人嘅名同之後嘅名都未劃走... 佢地根本就冇call。
我投訴個Risotto難食之後佢地原本話換過，又話我可能食唔慣... =_= 我堅持唔要（大佬，萬一之後嗰碟一樣咁難食點搞？），佢就waive咗我碟野。
(The above review is the personal opinion of a user which does not represent OpenRice's point of view.)
Post
