Maison Gaia

Open Now

Now Closed

見到咁多好評，決定係爸爸媽媽生日時試一試。點知中伏。提前幾日唸住問下menu即問題同埋confirm下可以幫手寫下生日祝福，個電話係營業時間係絕對無人聽。係食飯當日下午有人用私人電話打來confirm booking，已經覺得奇怪，去到先明白，原來成個場得一個侍應哥哥。佢忙到踢曬腳，serve幾十個人，邊得閒聽電話？去到見到張檯細到二人檯咁，我地六個人已經o曬嘴，面積啱啱好擺到幾張食頭盤既圓碟。過下已經好唔開心。生日唸住食好D叫佢個斧頭扒，點知被告知需要提前兩日預訂。。。我忍唔住話真係打唔通個電話預訂哦😮‍💨最後只好求其order幾個餐，本來唸住開隻酒都作罷，已經感覺伏。最後D牛扒上到來全部係唔熱既，但已經好熟，唔敢再加熱過，所以只好忍住成肚氣吞做個凍扒落肚。去到食甜品時，有隻好大隻烏蠅停係度已經無曬胃口。侍應哥哥可能完全感覺到我地既失望，送左幾杯咖啡，但直至埋單都等唔到有生日祝福既甜品，大家都好唔開心。生日搞到咁真係第一次。