Video
Read full review
2022-04-27
72 views
因為想食Hemma嘅basque cheesecake所以黎呢個cafe。cafe門口位置喺條巷仔度，唔太起眼。我一黎到時門口有張長櫈仔，當時有兩個人坐住，我以為佢地係坐住咁等位，隔左一陣，果兩個人入左cafe入面。咁我咪輪到我坐落去等位先，坐左陣唔對路，心諗其實係咪坐出面都可以嗌野食？定係張櫈純粹俾人等位用？但又無人俾menu，枱面又無menu。。無員工行出黎照顧下我地。所以我企正喺門口外(非常近門口)望住入面應該有3-5位員工，佢地唔係喺度傾偈就係玩電話。我一直望住佢地多番示意我有問題問佢地需要幫手，但係無人理過我，無員工要諗過要望下門口或者行出黎睇下出面企喺度等緊嘅人。等左幾分鐘，有一位員工咁岩要行出黎時，我即刻行前多一步想問佢，我望住佢講左句開場白「唔好意思。。」(我自問唔係細聲，無可能聽唔到)但果位員工無視我，喺我身邊就咁走左去，咩料？佢出黎原來唔係想幫我，而係要去唔知邊度，佢就咁喺我面前走左，我真係10萬個無奈。過左幾秒，終於終於終於cafe入面有一位食緊野嘅員工終於留意到我好似需要幫手，但佢仍然係純粹同我你眼望我眼，無諗過要移玉步出黎睇下我咩事，咩料？我唔知你地cafe咩
我一黎到時門口有張長櫈仔，當時有兩個人坐住，我以為佢地係坐住咁等位，隔左一陣，果兩個人入左cafe入面。咁我咪輪到我坐落去等位先，坐左陣唔對路，心諗其實係咪坐出面都可以嗌野食？定係張櫈純粹俾人等位用？但又無人俾menu，枱面又無menu。。無員工行出黎照顧下我地。
所以我企正喺門口外(非常近門口)望住入面應該有3-5位員工，佢地唔係喺度傾偈就係玩電話。我一直望住佢地多番示意我有問題問佢地需要幫手，但係無人理過我，無員工要諗過要望下門口或者行出黎睇下出面企喺度等緊嘅人。等左幾分鐘，有一位員工咁岩要行出黎時，我即刻行前多一步想問佢，我望住佢講左句開場白「唔好意思。。」(我自問唔係細聲，無可能聽唔到)但果位員工無視我，喺我身邊就咁走左去，咩料？佢出黎原來唔係想幫我，而係要去唔知邊度，佢就咁喺我面前走左，我真係10萬個無奈。
過左幾秒，終於終於終於cafe入面有一位食緊野嘅員工終於留意到我好似需要幫手，但佢仍然係純粹同我你眼望我眼，無諗過要移玉步出黎睇下我咩事，咩料？我唔知你地cafe咩模式，入面地方咁細，如果出面係唔俾人叫野食的話，我就唔想入去阻住其他人客。
但我都已經忍唔住行入去問其實外面係咪都可以食野，終於有人開金口回應我。。。
原因出面係可以坐低黎食野，我問我想要menu，佢就咁講左句出面有！下？出面有？噢原來喺門口右右邊邊位置，sorry我真係睇唔到，都唔知係我唔留意定你貼menu嘅位置唔夠顯眼，定係其實你地服務唔夠主動。
其實整個過程好差真心好差，心入面講左10次「咩料？咩態度？」
我真係為左hemma件cheesecake先會黎受氣，我地拿拿聲極速食完就走人。
呢度唔止員工無禮貌，呢條巷仔嘅衞生環境絕對係好差，地下污糟，隔離左右又有垃圾，之後又聽到店員有提醒其他等位嘅人樓上會扔野落黎，所以最好喺帳篷底下等位。（終於又有員工肯移玉步出黎照顧下其他嘅人客）
如果唔係為左食cheesecake，我真係唔黎。。
差到極點！
（我全部一粒星都唔想俾，但要起碼揀一粒星先可以㨂到差評果個公仔）
Post