阿杏飯團 (駱駝漆大廈第三座)

Open Now

Now Closed

一直都未試過的阿杏飯團係觀塘開左間分店，終於可以買回家試下啦店仔細細，但食物選擇都好多估唔到飯團可以有咁多變化除左豬牛雞啖啖肉系列，仲有咸蛋黃系列，芝士系列，海鮮系列同素菜系列飯團有套餐，加杯手搖飲品， 價錢更抵食👍🏻飯團的餡料極多，色彩繽紛，令人食慾大增之前一直無為意，原來飯團的飯是用上紫米， 唔單止顏色靚，仲令飯團更煙韌有咬口。啖啖肉系列新宿燒汁牛扒飯團燒汁好野味，牛肉加有少少辣，更醒胃。 牛扒切成細塊，方便一口一塊。肉鬆入面仲有脆粒粒。多重口感。咸蛋雞扒飯團咸蛋以蛋黃為主，無想像中咁濃味，口感清新，加埋無皮雞肉，感覺健康之前一直都驚食飯團唔夠飽，但原來飯團是好多料，好重手，食左半舊已經飽飽地🤭最鐘意佢夠熱，而且熱度都keep 得幾耐，拎到回家都仲係熱的飲品叫左黑糖珍珠奶茶同奶蓋四季香黑糖珍珠奶茶好驚喜，有茶味，有奶香， 珍珠軟硬適中，唔怪得係店鋪推介👍🏻奶蓋四季春，奶蓋好綿密，咸咸甜甜，配上四香春的茶香，非常解膩。