Video
Read full review
2012-12-06
15 views
今日同男朋友3週年,諗住出去食飯慶祝下啦....我地兩個都食日本野既FANS...當然日本菜就係我地目標啦,哈哈*!!!去食放題環境又太嘈,野食有時真係好似食垃圾咁,咁岩有FD打黎話上星期2係大坑食過一間日本餐都OK,聽完即刻呆一呆,事關我住左大坑2年,點解我都唔知既? 一於去望下環境啦, 原來正正係蓮花宮門口對出,唔怪得之啦,因為我地一般都行外街,冇兜入黎呢邊, 門口仲有得免費泊車...正*!!!門口都係好正宗既日本餐廳,簡簡單單,都幾OK,一入門口果然有驚喜,放左好多一條條唔同既活貨係度,哈哈...唔洗淨係睇MENU嗌野食啦...週年紀念緊係要飲酒慶祝下啦...不過原來選擇都好多下,唔係咁識揀,之後佢地介經左枝好似叫天巧既比我地,價錢又OK..一於試下!!!飲落又幾OK喎,唔似以前出面飲過果D好似得個濃字,好啦...係時候嗌野食啦,師傅介紹左一條叫平目既魚比我地食...都幾岩我同我男朋友口味,,,,唔太淡,油香岩岩好...最得意係隔離檯條魚上左菜之後,個咀同個魚尾就係咁郁,全場都埋左去八一八...哈*估唔到會新鮮得咁緊要...之後就到海螺刺身啦...清清地,都幾好食...值得一提係
今日同男朋友3週年,諗住出去食飯慶祝下啦....我地兩個都食日本野既FANS...當然日本菜就係我地目標啦,哈哈*!!!去食放題環境又太嘈,野食有時真係好似食垃圾咁,咁岩有FD打黎話上星期2係大坑食過一間日本餐都OK,聽完即刻呆一呆,事關我住左大坑2年,點解我都唔知既? 一於去望下環境啦, 原來正正係蓮花宮門口對出,唔怪得之啦,因為我地一般都行外街,冇兜入黎呢邊, 門口仲有得免費泊車...正*!!!
門口都係好正宗既日本餐廳,簡簡單單,都幾OK,一入門口果然有驚喜,放左好多一條條唔同既活貨係度,哈哈...唔洗淨係睇MENU嗌野食啦...週年紀念緊係要飲酒慶祝下啦...不過原來選擇都好多下,唔係咁識揀,之後佢地介經左枝好似叫天巧既比我地,價錢又OK..一於試下!!!飲落又幾OK喎,唔似以前出面飲過果D好似得個濃字,好啦...係時候嗌野食啦,師傅介紹左一條叫平目既魚比我地食...都幾岩我同我男朋友口味,,,,唔太淡,油香岩岩好...最得意係隔離檯條魚上左菜之後,個咀同個魚尾就係咁郁,全場都埋左去八一八...哈*估唔到會新鮮得咁緊要...之後就到海螺刺身啦...清清地,都幾好食...值得一提係師傅對日本餐既堅持,每一味菜都整到好令...哈哈*每次一上檯我就係度嘩...連平時最唔鍾意讚人既男友,都話好靚=]],壽司真係諗唔到食咩好...決定比師傅發板(週年紀念都唔需要慳住男友銀包啦,,,嘿嘿)有十五件壽司,事關我地仲要食下其他熟食,有D出面我都未試過,好似吞拿魚腭肉,馬肉咁...仲有件入口即溶既拖羅,見師傳幾好傾,就問下點解同出面果D拖羅唔太一樣,原來日文呢隻叫[惡]拖羅,係最靚果隻,唔怪得之啦...哈*仲有我係出面最憎食既深池魚,因為食親都好惺...今次比男友半迫下我都食左...竟然食到油香,仲一D惺都無,,,SUPRISE@@...之後我地嗌左海膽半熟玉子,燒吞拿魚面頰肉同燒馬肉(事關我地兩個都係吞拿狂)頰肉好嫩,勁好味!!!到呢個時侯...我地兩個已經飽到傻啦...哈哈*師傅好客氣咁坐左落黎同我地傾下計^^原來呢度只係開左2個月左右,不過師傅以前係跟日本師傅既...已經做左十幾年...唔怪得之真係有日本人果種對食物既堅持同簡單美啦...我仲問佢地銅鑼灣係米有分店,點知原來係咁岩撞名咋..哈哈*!!!今餐真係好好好滿足...比起出面有番咁上下既日本餐...我覺得呢度質素差唔多,,,價錢都合理=]]哈*!!!!
Post
