緣屋 札幌元袓蝦湯拉麵 (信德中心)

Open Now

Now Closed

今日同朋友去澳門前醫醫個肚，見到緣屋既元祖蝦濃湯底拉麵好似好正咁，就入去試一試～一入座，Bar枱可以睇到廚師煮拉麵，整小食等等，有幾下好大火表演咁，可惜我座左卡位，只可以遠距離睇到😝辣味噌蝦濃湯拉麵：湯底超香濃蝦鮮味，多左一層辣油，更突出蝦味，唔算太辣，亦都岩唔太食得好🌶既朋友，配料有大蔥、肉粒同蔥段，望落份量唔多，但超飽肚！醬油蝦濃湯拉麵：湯底顏色橙紅，同蝦膏顏色相約，飲一啖，好香濃既蝦味，亦有醬油既甜甜味道，配有櫻花蝦同半熟蛋，櫻花蝦既脆脆口感，增加左入口層次，麵質亦彈牙，叉燒肥瘦分明，入口都幾嫩！蝦多士：蝦多士個層蝦膠好幾彈牙，多士炸得夠鬆軟，而上面好特別有層乳酪醬咁酸酸甜甜既醬汁，唔錯既小食～煎餃子🥟：中規中矩，拉麵同餃子絕配之選！