一盛極牛 (Closed)

餐廳寬闊， 座位充足， 好適合同朋友談天說地， 仲有bar枱可以揀， 牆上掛咗日劇海報，播放著輕鬆音樂， 好Relax! 餐牌非常簡單， 有三張order 紙， 包括有牛肉丼、極牛拉麵同白牛拉麵。 Order 紙可以根據自己喜好揀配料，麵嘅硬度同蔥花數量等等， 仲可以揀刺身或者火炙添， 非常有彈性。 我叫咗《極牛拉麵》， 刺身牛同火炙牛肉各半， 2 份牛肉，份量剛剛好， 仲加咗半隻溏心蛋，yummy ! 牛肉係用咗熊本和牛，刺身入口即溶， 非常嫩滑， 而火炙牛肉嘅肉味非常濃， 油脂豐富， 非常惹味。 而白牛拉麵嘅湯底是由牛骨熬製， 加上白松露做成的， 牛味當然非常濃郁，白松露嘅香味令到牛骨湯嘅味道好夾。 我哋都揀咗普通硬度嘅拉麵，拉麵富有彈性， 煙煙韌靱， 十分爽口彈牙， 拉麵掛上湯汁， 口感豐富，非常好味！ 大家一定要加溏心蛋， 因為非常軟滑，仲有半生熟嘅蛋黃，味道好正，真係食唔停口呀！