大井町日式放題 (Closed)

今晚約咗老友去荃灣睇樣板。當然要食餐晚飯聚一聚舊。咁啱喺千色店附近攞樣板。當然就去附近食店林立嘅大鴻輝中心....搵間好嘢食下啦。但係見到排隊搭電梯嘅人實在太多。真係有點怕怕。點知發現係三樓有一間日式放題。大井町只需要坐扶手電梯已經上到去。咁方便當然走去一試啦。一入到去就見到有不同嘅冷盤。仲有好多不同種類嘅甜品櫃。而且見到佢哋嘅點菜紙都非常多種類。最緊要有我中意食嘅矜貴雪糕。首先嚟咗一個刺身拼盤。三文魚刺身肥美可口。而且夠曬冰凍。我同老友每人都食咗一個刺身拼盤。因為啲三文魚刺身真係好新鮮。而且佢哋上菜都好快。唔需要等好耐。衹要你落單好快就會上菜。同時亦都要叫我最鍾意食嘅海膽加鰻魚手卷。唔單止海膽夠份量。而且紫菜都好脆添。之後我同老友嗌到一臺都係野食。淨係睇到都心曠神怡。我老友食咗三個羊架。佢話呢度嘅羊架燒得好香。同埋肉質鮮嫩。我就鍾意食佢哋嘅燒海蝦。因為好爽口彈牙。最後當然要食我同老友....同樣喜愛嘅滋味雪糕啦。