Video
Read full review
2021-10-13
94 views
餐廳：佳牛美酒 (銅鑼灣)地址：銅鑼灣銅鑼灣渣甸街66號亨環7樓趁放假喺炮台山搵咗間盲人按摩店按摩💆♂️，完咗之後沿港島西方向一直行，行到銅鑼灣突然落起雨，就索性搵佳人美酒…喺佳牛美酒 @niceyakinikufinewine 陪我渡過呢個天氣不似預期嘅晚上🌃呢間餐廳開咗3年幾，主打唔同部位嘅高品質牛肉🐮，除咗日本A5和牛、美國SRF極黑BMS9+和牛之外，佢哋嘅澳洲純血M9+和牛仲一定要試，呢款牛喺混合咗日本和牛血統嘅澳洲牛，配種後和牛肉有充足嘅油脂，入口即溶，M9+級算喺最高級數，當中最出色嘅緊喺M12啦，有相當於日本A5和牛嘅質素。當然咁嘅質素價錢就比較貴，等我返多一輪工儲錢下次過嚟試吓先🤪因為book咗枱，店員帶咗我哋埋位，座位上面有張卡寫咗「Reserved for @Hinsonfoodhk 」，成個感覺即刻賓至如歸咁😎，而坐嘅位置對住開放式嘅燒爐，藍色絨毛座椅配埋雲石餐枱，餐廳嘅裝修同設計相當典雅高尚✨今次叫嘅係A La Carte Menu，可以自由選擇前菜、肉食、主食、和牛，而叫完嘢食之後大廚就開始用牛嘅脂肪去整熱我哋坐喺前面嘅網爐🔥✝️美國頂級熟成厚切牛舌 $248
地址：銅鑼灣銅鑼灣渣甸街66號亨環7樓
趁放假喺炮台山搵咗間盲人按摩店按摩💆♂️，完咗之後沿港島西方向一直行，行到銅鑼灣突然落起雨，就索性搵佳人美酒…喺佳牛美酒 @niceyakinikufinewine 陪我渡過呢個天氣不似預期嘅晚上🌃
呢間餐廳開咗3年幾，主打唔同部位嘅高品質牛肉🐮，除咗日本A5和牛、美國SRF極黑BMS9+和牛之外，佢哋嘅澳洲純血M9+和牛仲一定要試，呢款牛喺混合咗日本和牛血統嘅澳洲牛，配種後和牛肉有充足嘅油脂，入口即溶，M9+級算喺最高級數，當中最出色嘅緊喺M12啦，有相當於日本A5和牛嘅質素。當然咁嘅質素價錢就比較貴，等我返多一輪工儲錢下次過嚟試吓先🤪
因為book咗枱，店員帶咗我哋埋位，座位上面有張卡寫咗「Reserved for @Hinsonfoodhk 」，成個感覺即刻賓至如歸咁😎，而坐嘅位置對住開放式嘅燒爐，藍色絨毛座椅配埋雲石餐枱，餐廳嘅裝修同設計相當典雅高尚✨
今次叫嘅係A La Carte Menu，可以自由選擇前菜、肉食、主食、和牛，而叫完嘢食之後大廚就開始用牛嘅脂肪去整熱我哋坐喺前面嘅網爐🔥
✝️美國頂級熟成厚切牛舌 $248
先嚟嘅喺重頭戲美國頂級厚切牛舌，餐廳自家製熟成咗啲牛舌14日👅，而熟成嘅過程可以將肉類嘅肌肉撕裂，肉質食落變得腍身無咁韌，而且肉味更加香濃；我食嘅呢塊牛舌有接近3cm厚，咬落爽口一啲都唔韌，每一啖咬落肉同肉之間，當中嘅油脂就滲透出嚟，肥美而唔油膩，真喺一試難忘😍，我就最鍾意原味道，亦提供咗雪花鹽比客人作調味用，對比起一般嘅鹽無咁鹹，同時喺肉嘅表面較快溶解，鮮味會更加突出👍
✝️日本A5和牛西冷溫泉蛋烏冬 $178
有5片薄切至大約0.5cm嘅A5和牛西冷，寫至7成熟，肉質柔嫩細膩，入口有即溶嘅口感，配埋半隻半流心溫泉蛋🥚、昆布同彈牙稻岐烏冬，好掛住日本嘅麵店啊🥺
✝️季節性前菜
打響咗頭炮，就奉上一碟三式嘅前菜，可以趁呢個機會清一清口腔，迎接之後嘅美食😇。呢個前菜分別有日式泡菜伴魷魚、小麥味噌配鮑魚同山椒醬配廣島蠔；最近魷魚遊戲嘅熱潮又會唔會令你對食魷魚卻步呢😂？韓式辣泡菜就食得多，唔辣嘅醃泡菜都喺第一次試；兩片鮑魚片上面放咗sake啫喱同小麥味噌，鹹香十足；山椒帶有柑橘清香同微微嗆辣嘅口感🌶，令我對廣島蠔嘅食法又多一種體會
✝️炭燒日本赤雞雞扒 $178
接落嚟大廚喺廚房用炭燒方法處理呢塊日本赤雞雞扒🐓，鹿兒島嘅赤雞喺日本名雞之一，用優質飼養方法養殖雞隻，肉質脂肪少之餘香味格外濃郁，用咗黑椒同七味粉去調味，食落更加惹味😌，仲可以蘸用咗柚子同胡椒整成嘅醬料，亦可加上檸檬汁🍋，適逢9-10月喺北海道紅葉嘅季節時期，餐廳仲用咗紅葉去做裝飾🍁，勁有心思🥰
✝️燒日本北海道帶子 $138
用咗大大粒嘅刺身級北海道帶子，燒嘅過程加入磨碎嘅烏魚子，甘甜香醇💫，
用火槍燒過帶嚟火炙香之外仲唔會因為直接燒帶子而破壞咗帶子爽嫩嘅質感，上碟後加上檸檬香草醬同三文魚籽，酸酸甜甜嘅味道同三文魚籽爆脆嘅口感令帶子食落更加高級同豐富🤩
✝️燒季節蔬菜拼盤 $128
愛媛縣環抱山水，種植環境、土壤同水質得天獨厚🏞，餐廳用咗當地嘅青椒仔、翠玉瓜同大菇組成蔬菜拼盤，
燒香後加入酸汁同木魚花，食落清新開胃🌿，本身諗住到咗成餐飯嘅最後喺一個完美嘅總結，點知食完開胃嘅蔬菜令我想繼續食落去🤣
✝️甜品
最後送上甜品，揀咗檸檬雪葩同薑味雪糕🍨，
雪糕仲加上意大利黑醋同桂花蜜糖車厘茄，睇得出餐廳喺每個細節上都落足十二分心思，絕唔馬虎👏成餐飯由頭到尾我杯水都keep住喺暖同埋滿，走果陣因為落雨店員仲叫我哋拎定遮出嚟，服務好周到😚，臨走之前店員介紹咗佢哋最近Dry age緊啲Rib Eye🥩，熟成夠25日就可以食，佢哋最近個塊Rib Eye就已經比人reserve晒，我食完今餐之後勁想試吓🤡，等我過一排再嚟睇吓有無得食先
Post
