Video
Read full review
2024-05-19
674 views
今晚有個uncle 帶路，去咗尖沙咀嘅上樓食私房菜！餐廳基本上全部都係包房，裝修幾新淨，房間有大有細，入到去先知原來可以唱卡拉OK，仲有獨立嘅廁所，有啲似高級會所。當然私房菜食物都有返咁上下水準，前菜麻油黑木耳，爽口清甜充滿麻油香，話梅蕃茄，清爽開胃。鮑魚萵筍絲及琥珀合桃，色彩高級，上碟夠精彩。棗皇竹笙燉鳳尾翅，湯底充滿菜嘅清甜，翅的部份處理得不錯，份量夠足。鮑魚扣鵝掌北菇，鮑魚主得好入味，個鵝掌入口即化。乾邑鵝肝煎帶子，帶子火路啱啱好，外皮焦香。鵝肝油份飽滿，充滿油脂香氣。XO醬炒双蚌，沒有過分嘅調味，食得出象拔蚌仔的鮮味，唔夠味再可以加少少枱頭嘅XO醬，個醬幾辣幾惹味。最後瑤柱翡翠炒𢇁苗，全部飯粒都包裹住蛋汁，炒得好香口。甜品係鮮奶燉燕窩，又滑又香，食完好滋潤。呢度食飯嘅前後，仲可以打吓麻雀唱吓歌，食完唔使趕住還枱，可以慢慢傾吓偈，聯誼一下！
當然私房菜食物都有返咁上下水準，前菜麻油黑木耳，爽口清甜充滿麻油香，話梅蕃茄，清爽開胃。鮑魚萵筍絲及琥珀合桃，色彩高級，上碟夠精彩。
棗皇竹笙燉鳳尾翅，湯底充滿菜嘅清甜，翅的部份處理得不錯，份量夠足。
鮑魚扣鵝掌北菇，鮑魚主得好入味，個鵝掌入口即化。
乾邑鵝肝煎帶子，帶子火路啱啱好，外皮焦香。鵝肝油份飽滿，充滿油脂香氣。
XO醬炒双蚌，沒有過分嘅調味，食得出象拔蚌仔的鮮味，唔夠味再可以加少少枱頭嘅XO醬，個醬幾辣幾惹味。
最後瑤柱翡翠炒𢇁苗，全部飯粒都包裹住蛋汁，炒得好香口。
甜品係鮮奶燉燕窩，又滑又香，食完好滋潤。
呢度食飯嘅前後，仲可以打吓麻雀唱吓歌，食完唔使趕住還枱，可以慢慢傾吓偈，聯誼一下！
Post
