Video
Read full review
2020-06-12
347 views
夜晚約咗朋友喺中環食飯，朝早咁啱就見到有媒體報道一間新開川菜，而且係米芝蓮星廚嘅師傅開嘅，即係質素有一定保證啦！仲要定價極相宜，朋友睇完 menu 都不禁憂心喺中環呢個地段捱唔捱得住 🤣下晝先確定時間打去 book 位，接電話嘅姐姐好有禮貌，即刻加分 👍🏼餐廳好新淨、光猛，坐位好舒服，樓底高，唔會太嘈，都幾適合傾偈。坐低就有小食同埋熱嘅山楂紅棗水，好養生呀～餐牌選擇好多，千揀萬揀先決定點招牌酸菜魚、口水雞同埋螞蟻上樹，酸菜魚追加咗一份土豆粉～媒體嗰篇介紹有提及佢哋好注重酸菜，都真係食得出同一般酸菜有唔同，好惹味，出色 👍🏼魚片切得薄薄，好嫩滑！點菜時問過姐姐多唔多骨，佢話佢哋自己都有食，都無乜骨，但最後都係有少少嘅 🤣 怕食到魚骨嘅我要極小心咁細細啖咬～土豆粉係白色、粗身嘅圓柱麵條，雖然好食，但我哋望到隔離枱嘅扁扁透明薯粉又覺得薯粉會正啲 🤭酸菜魚有分1-2人份/3-4人份，可能因為有嗌其他嘢，我哋兩個人都唔係好食得晒細份呢，好足料！唔記得影低口水雞同螞蟻上樹，口水雞好好味，個麻辣醬料好正，份量又夠多，勁抵食 🤤螞蟻上樹比起之前食過嘅淡味啲，但反而感覺無咁熱氣。食到途中見到出面好多人排
仲要定價極相宜，朋友睇完 menu 都不禁憂心喺中環呢個地段捱唔捱得住 🤣
下晝先確定時間打去 book 位，接電話嘅姐姐好有禮貌，即刻加分 👍🏼
餐廳好新淨、光猛，坐位好舒服，樓底高，唔會太嘈，都幾適合傾偈。
坐低就有小食同埋熱嘅山楂紅棗水，好養生呀～
餐牌選擇好多，千揀萬揀先決定點招牌酸菜魚、口水雞同埋螞蟻上樹，
酸菜魚追加咗一份土豆粉～
16 views
0 likes
0 comments
媒體嗰篇介紹有提及佢哋好注重酸菜，
都真係食得出同一般酸菜有唔同，好惹味，出色 👍🏼
魚片切得薄薄，好嫩滑！
點菜時問過姐姐多唔多骨，佢話佢哋自己都有食，都無乜骨，
但最後都係有少少嘅 🤣
怕食到魚骨嘅我要極小心咁細細啖咬～
土豆粉係白色、粗身嘅圓柱麵條，
雖然好食，但我哋望到隔離枱嘅扁扁透明薯粉又覺得薯粉會正啲 🤭
酸菜魚有分1-2人份/3-4人份，可能因為有嗌其他嘢，
我哋兩個人都唔係好食得晒細份呢，好足料！
唔記得影低口水雞同螞蟻上樹，
口水雞好好味，個麻辣醬料好正，份量又夠多，勁抵食 🤤
螞蟻上樹比起之前食過嘅淡味啲，但反而感覺無咁熱氣。
食到途中見到出面好多人排隊，媒體效應好厲害 XDD
想再讚所有店員嘅服務都好好，態度親切，餐廳好重要嘅一環 💯
值得 encore 試埋其他麻辣菜式
Post
