Video
Read full review
2020-09-18
3135 views
放假嘅週六心情總係特別好，同先生行完街揀咗呢間人氣極旺嘅韓國餐廳食晏，位置喺觀點中心入面，座位都幾多，但未到十二點已經滿座，等完一輪總算可以入座。一睇餐牌已經鎖定目標，就係呢個超級豐富嘅二人餐，有齊我最想食嘅醬油蝦、甜辣年糕炸雞同大醬湯。二人餐包飲品，而且選擇亦唔少，仲可加錢升級做特飲或者燒酒。前菜有辣泡菜、涼拌海帶芽同醃蘿蔔，清新開胃。脆米豬手沙律份量唔細，豬手爽口彈牙，感覺食緊滿滿嘅骨膠原，加上帶點胡麻味道嘅沙律醬降低膩滯感，加入脆米亦令口感層次更豐富。珍寶尺寸嘅醬油蝦配上溏心蛋同手握紫菜飯，完全係勾起食慾嘅配搭。醬油蝦鮮嫩肥美，肉質結實彈牙，味道唔會過鹹，入口係滿滿嘅鮮甜滋味，令人有種置身韓國嘅感覺！甜辣炸雞配上年糕係極邪惡嘅組合，甜辣醬辣度好夠，無論配搭炸雞抑或年糕都係一流。炸雞即叫即炸，熱辣辣上枱，熱到要吹下先食得，咬開鬆脆嘅外皮，鮮嫩嘅雞肉仲滴住肉汁，冇得彈！大醬海鮮鍋滾住上，侍應話八爪魚已經售罄，所以用其他海鮮補上，鮮甜濃郁嘅大醬湯底配上大量海鮮同韓國粉絲，係另一道我好鍾意嘅韓國菜。食完前面嗰幾道其實已經好飽，牛肉石鍋飯送上嘅時候我同先生都已經想投降，石鍋飯份量非常多，牛
一睇餐牌已經鎖定目標，就係呢個超級豐富嘅二人餐，有齊我最想食嘅醬油蝦、甜辣年糕炸雞同大醬湯。
二人餐包飲品，而且選擇亦唔少，仲可加錢升級做特飲或者燒酒。
三色前菜
74 views
0 likes
0 comments
前菜有辣泡菜、涼拌海帶芽同醃蘿蔔，清新開胃。
脆米豬手沙律
74 views
0 likes
0 comments
脆米豬手沙律份量唔細，豬手爽口彈牙，感覺食緊滿滿嘅骨膠原，加上帶點胡麻味道嘅沙律醬降低膩滯感，加入脆米亦令口感層次更豐富。
醬油蝦配溏心蛋手握紫菜飯
78 views
1 likes
0 comments
珍寶尺寸嘅醬油蝦配上溏心蛋同手握紫菜飯，完全係勾起食慾嘅配搭。
醬油蝦配溏心蛋手握紫菜飯
78 views
0 likes
0 comments
醬油蝦鮮嫩肥美，肉質結實彈牙，味道唔會過鹹，入口係滿滿嘅鮮甜滋味，令人有種置身韓國嘅感覺！
韓式甜辣年糕炸雞
66 views
0 likes
0 comments
甜辣炸雞配上年糕係極邪惡嘅組合，甜辣醬辣度好夠，無論配搭炸雞抑或年糕都係一流。炸雞即叫即炸，熱辣辣上枱，熱到要吹下先食得，咬開鬆脆嘅外皮，鮮嫩嘅雞肉仲滴住肉汁，冇得彈！
大醬八爪魚海鮮鍋
64 views
0 likes
0 comments
大醬海鮮鍋滾住上，侍應話八爪魚已經售罄，所以用其他海鮮補上，鮮甜濃郁嘅大醬湯底配上大量海鮮同韓國粉絲，係另一道我好鍾意嘅韓國菜。
牛肉石鍋飯
35 views
0 likes
0 comments
食完前面嗰幾道其實已經好飽，牛肉石鍋飯送上嘅時候我同先生都已經想投降，石鍋飯份量非常多，牛肉肥瘦適中，仲有大量配料，加入辣醬喺吱吱作響嘅石鍋入面拌勻，非常香口。
奶油芒果窩夫
44 views
0 likes
0 comments
食埋石頭鍋飯已經有衝動想叫侍應唔好上甜品，還好奶油芒果窩夫份量唔算大，窩夫比一般食到嘅細件同薄身，新鮮即製，伴上冰凍嘅芒果雪糕、新鮮芒果肉同奶油一齊放入口，為豐富嘅午餐畫上完美句號。
巨峰乳酸特飲
30 views
0 likes
0 comments
餐廳嘅食物份量好足，同先生自問都係擦得之人，但面對呢個極豐富嘅二人餐，實在係要跪低，份量多到三個人分享都絕對冇問題，而且食物質素唔錯，性價比又高，大胃王絕對唔可以錯過！
Post
