Diff. Cafe (Closed)

.📍Diff. Cafe📍 #饅頭去荃灣 #饅頭與Cafe培養感情系列 呢間Cafe係位於車廠附近，白色簡潔嘅環境同周圍形成鮮明嘅對比，吸引咗小編入去坐下食下嘢。------------------------------珍寶帶子明太子忌廉意粉 ($108)呢碟意粉好多料，有兩粒中size帶子，淨係煎香面層內裏係刺身質感，食到鹹鹹地嘅海水味😌；意粉面層仲有一梳梳蟹肉同激多新鮮嘅蟹籽增加口感🦀，就係汁幾稀下唔太creamy，小編都係鐘意稠密少少嘅醬汁。好在意粉細長同有麵香，每條都沾上大量蟹籽同醬汁😙，忌廉汁嘅奶香比較濃郁，同明太子醬嘅鹹香幾match，整味道有啲似Mayonnaise，食材都新鮮，唔會好膩。不過佢嘅意粉偏淋，但未至於零咬口，有埋新鮮嘅沙律菜伴碟🥗，係一個唔錯嘅打卡菜式，女仔應該夠飽，整體唔伏Ok嘅，可以一試。------------------------------整體評分：7.2/10小編回頭率：6/10Btw店員哥哥姐姐都幾溫柔，小編覺得都值得比小小tips佢哋，當支持下黃店都好💛。