Burger Deli (Closed)

每次嚟到西貢都一定要食呢間漢堡包小店！佢已經開業咗好多年，最出名就係佢嗰個藍芝士漢堡包，其他地方好少機會食到藍芝士醬嘅漢堡包！佢其實係一間外賣小店，出面有兩個座位俾你坐下，成日都見到好多外國人嚟食佢呢度個價錢都幾合理，同埋個漢堡包份量都好大份，所以性價比都幾高！Blue burger佢嗰個牛肉呢係超大份，差唔多有2cm咁厚身，食落口好Juice好飽滿，鍾意食藍芝士嘅朋友唔好錯過！佢個藍芝士醬個味好出好濃味，鹹鹹香香既味道好惹味！好高質！好有外國風味！同埋佢係即叫即整㗎，所以個漢堡係好新鮮好好食㗎！