Video
Read full review
2018-10-21
367 views
點解會話極隱蔽唔係因為佢地點偏僻，係因為佢係石板街同威靈頓街之間，平時石板街d小販係會遮住店面，差d就同佢刷身而過。餐牌好多新𩓙的菜色，都係老闆原創的。講返食物，餐廳好多款食物都落重海膽，好似呢個海膽杯，十層包括燒白飯魚脆片，北海道紫海膽，海葡萄，拖羅，三文魚子，白蝦，蟹魚，個底仲有海帶碎。其中有3層係海膽，每啖都成口海膽的感覺好好，香濃唔腥。三文魚子都係，新鮮鹹香脆卜卜一d都唔腥。芝士燒年糕皮薄餡靚，層皮薄到有d脆，芝士流心啱啱焗起熱到辣口，用紫菜包住食更唔會整污糟隻手。清酒鮑魚雞翼已經起咗骨，啖啖肉，雞翼入邊包住原隻鮑魚，雞翼燒得香脆多汁，散發陣陣清酒香味，鮑魚仲好爽口彈牙唔韌。呢個着火的卷物視覺效果不得了，火灸的反卷topping有海膽同帆立貝同蟹子，淋上燒汁蛋黃醬更加惹味，其實淨係堆火都夠影相打卡。蟹子青蘋果沙律份量都幾多，蘋果絲切得好幼好考師傅刀工，新鮮酸甜的青蘋果感覺好fresh，比一般蘋果酸少少。海膽蟹子芝士焗蠔連個碟都似蠔，蠔面鋪滿芝士，再落重海膽，一啲都唔手軟，海膽同蠔一樣濃味，但係又唔會搶到對方的味。三文魚壽司fushion左白飯魚脆片，以為味道會好怪，入口又唔覺，
點解會話極隱蔽唔係因為佢地點偏僻，係因為佢係石板街同威靈頓街之間，平時石板街d小販係會遮住店面，差d就同佢刷身而過。餐牌好多新𩓙的菜色，都係老闆原創的。
講返食物，餐廳好多款食物都落重海膽，好似呢個海膽杯，十層包括燒白飯魚脆片，北海道紫海膽，海葡萄，拖羅，三文魚子，白蝦，蟹魚，個底仲有海帶碎。其中有3層係海膽，每啖都成口海膽的感覺好好，香濃唔腥。三文魚子都係，新鮮鹹香脆卜卜一d都唔腥。
芝士燒年糕皮薄餡靚，層皮薄到有d脆，芝士流心啱啱焗起熱到辣口，用紫菜包住食更唔會整污糟隻手。
清酒鮑魚雞翼已經起咗骨，啖啖肉，雞翼入邊包住原隻鮑魚，雞翼燒得香脆多汁，散發陣陣清酒香味，鮑魚仲好爽口彈牙唔韌。
呢個着火的卷物視覺效果不得了，火灸的反卷topping有海膽同帆立貝同蟹子，淋上燒汁蛋黃醬更加惹味，其實淨係堆火都夠影相打卡。
蟹子青蘋果沙律份量都幾多，蘋果絲切得好幼好考師傅刀工，新鮮酸甜的青蘋果感覺好fresh，比一般蘋果酸少少。
海膽蟹子芝士焗蠔連個碟都似蠔，蠔面鋪滿芝士，再落重海膽，一啲都唔手軟，海膽同蠔一樣濃味，但係又唔會搶到對方的味。
三文魚壽司fushion左白飯魚脆片，以為味道會好怪，入口又唔覺，新鮮的三文魚同脆口的蟹子同魚片又有新的口感。
招牌菜之一的海膽蒟蒻麵，重口味的海膽和淡口味的蒟蒻麵好配，麵質冰涼爽口彈牙，唔易斷，加上蒟蒻本身零脂肪，食多多都仲有quota。
海膽雪糕點止topping有海膽咁簡單, 雪糕球入邊都有一絲絲海膽肉，咸咸地的海膽配上甜甜的雪糕，海膽迷必試，不愧係自家制真材實料的菜式。
Post
