Video
Read full review
2018-05-14
1537 views
首先想講，間野個位置都真係幾難搵下。難搵到應該有唔少人好似我地咁入錯左佢隔離，比較近大街個間。記得唔係街角咦間，係佢隔離條巷仔轉入去個間！姐係咦間！搵得咁辛苦飲啖水，回一回氣先！.ok！入返正題！曾經有個朋友問我：其實點為之一塊好食嘅刺身？唔係淨係睇新唔新鮮就得㗎啦咩？我嗰時冇直接答佢，而係同佢講：只要你食咗一塊好食嘅三文魚，你就會識分點為之好食嫁啦！而今次咦間Omakase，就正正印證左我咦番話！佢既刺身真係一很流！咁坐低左落完單，就出現左第一樣食omakase必食既野！就係咦隻勁香鰹魚味既蒜頭啦！自從第一次食過佢之後真係一試愛上，搞到有時都會因佢而想食omakase！然後就到咦碟10分滿分我比9.9分既刺身啦！個0.1分去左邊？去個冇得無限refill到呀！佢真係好好食呀！特別係咦塊三文魚拖羅簡直係世界級！除咗放入口有入口即溶嘅口感之外，仲會有種揸緊汁嘅感覺！冇錯係揸緊汁因為只要你微微用上下顎一壓，啲魚油都會好似榨汁咁樣湧出嚟，咦種好似比塊拖羅口爆嘅感覺真係畢生難忘！先唔講魚脂嘅份量已經有幾刺激味蕾，三文魚本身嘅香味都非常濃。而且唔會因為油脂味太重被搶過，而係兩者嘅香味互相切磋、互
難搵到應該有唔少人好似我地咁入錯左佢隔離，比較近大街個間。
記得唔係街角咦間，係佢隔離條巷仔轉入去個間！
姐係咦間！
搵得咁辛苦飲啖水，回一回氣先！
.
ok！入返正題！
曾經有個朋友問我：其實點為之一塊好食嘅刺身？唔係淨係睇新唔新鮮就得㗎啦咩？
我嗰時冇直接答佢，而係同佢講：只要你食咗一塊好食嘅三文魚，你就會識分點為之好食嫁啦！
而今次咦間Omakase，就正正印證左我咦番話！
佢既刺身真係一很流！
咁坐低左落完單，就出現左第一樣食omakase必食既野！就係咦隻勁香鰹魚味既蒜頭啦！
自從第一次食過佢之後真係一試愛上，搞到有時都會因佢而想食omakase！
然後就到咦碟10分滿分我比9.9分既刺身啦！
個0.1分去左邊？去個冇得無限refill到呀！
佢真係好好食呀！
特別係咦塊三文魚拖羅簡直係世界級！
除咗放入口有入口即溶嘅口感之外，仲會有種揸緊汁嘅感覺！
冇錯係揸緊汁因為只要你微微用上下顎一壓，啲魚油都會好似榨汁咁樣湧出嚟，
咦種好似比塊拖羅口爆嘅感覺真係畢生難忘！
先唔講魚脂嘅份量已經有幾刺激味蕾，三文魚本身嘅香味都非常濃。
而且唔會因為油脂味太重被搶過，而係兩者嘅香味互相切磋、互相配合，令整體昇華到另一個層次。
食Omakase當然唔少得壽司啦！特別係三文魚籽！
之前食某間好出名Omakase，師夫同我講過，一粒好既三文魚籽
係會好似彈彈波咁，咁有彈力嫁！
女神同我聽完之後每次去食三文魚籽都會貪得意試下！
而佢既三文魚籽又真係好高彈力咁彈返上黎！咬落pop一聲爆開，個種震撼真係難以形容！
仲要唔係一粒，而係幾十粒一次過咁爆開，真係比佢炸到我暈！
其他既刺身亦好濕潤同新鮮，食到到佢既鮮甜味。不過因為個三文魚拖羅同三文魚籽實左太正啦，搞到當堂變既配角。
另外壽司飯都高水準，飯既酸道、硬道都控制得好好！
最後仲有個牛肉烏冬。
睇落好似平平無奇，但食落，牛肉好嫩口，牛味亦非常濃厚！湯底清清地，完成唔會搶味，
但又唔會覺得唔夠味，各方面好平衡。
.
平時啲omakase，食親都千幾二千
咦間嘅只係$600姐，雖然感覺好似冇平時食嘅咁多道菜，
不過因為佢唔係逐件上而係一碟過上，所以除返勻其實真係幾抵食！
仲要佢三文魚拖羅同油甘魚真係好值得一試！
Post
