稻菊日本餐廳 (Closed)

知道帝苑酒店每家餐廳都有質素, 今次訂了日本餐廳稻菊。上次Sabatini環境暗暗的, 今次稻菊也差不多, 但本人頗喜歡。首先點了個刺身拼盤, 魚生都算新鮮, 吞拿魚無筋, 食過d低級既有筋有陣酸怪味, 但最好食是赤貝, 入口鮮味, 吞完仲留有餘香。壽司都幾好, 飯唔會散, 小小的一啖上面放著塊遮蓋晒飯既魚生, 唔似得某酒店的壽司飯是魚生的6倍。 旁邊的玉子甜甜的, 味道唔錯。其實稻菊出名既應該係天婦羅, 以上是醬汁。之前睇過介紹話觀察盛著天婦羅底下的紙就知道師父功力如何。如果咁睇, 稻菊師父功力都唔錯, 底下的牛油紙只有兩點油印。入口都無好油感覺, 粉漿調得好, 入口爽脆,無拖泥帶水。得兩個人食, 食唔到太多野,下次揾多幾個,再試多幾樣。