一豚豬手專門店 (永德大廈) (Closed)

今日行過銅鑼灣諗緊加咩料食晚餐好，呢一間一豚豬手專門店平時都好多人排隊❣️❣️行過總會聞到好香嘅味，今次我哋就揀咗佢哋嘅招牌黑椒豬手同大阪燒脆腩黎加料🤤🤤 大阪燒脆腩，店家每一舊都係厚切，望住佢請我都流晒口水啦🤤🤤🤤佢仲會用火槍噴香啲燒腩，啲香味即刻散發晒出嚟😍😍😍食落超級香脆，仲有燒過嘅香味，夠晒香口😋😋招牌黑椒豬手，店家一路切都覺得佢夠晒嫩滑，豬手有口感夠哂嫩，黑椒味十足超惹味！呢個一半脆腩一半豬手嘅配搭，食到幾個口感，真係好正🥰🥰🥰店舖入邊仲有賣唔同嘅醬料同粉麵等等，仲有豬手飯可以買！夜晚諗唔到食咩就可以過嚟試吓啦😍😍