卓鮨

Open Now

Now Closed

壽司14貫定食 🍣真鯛嘅口感Q彈，味道淡雅，作為壽司套餐嘅開場真係好適合~🍣深海池魚廚師仲加咗紫蘇花，柚子同胡椒。食落有淡淡紫蘇花嘅香味，柚子嘅酸甜同埋少少辛辣嘅味，但3種味道都唔會搶曬魚嘅鮮味，食落好夾，而個口感油中帶爽。🍣間八嘅肉質比較實，脂質含量比同類嘅鰤魚少，所以食落爽脆鮮甜🍣北海道帆立貝好大粒，而且啲肉好厚實，味道好鮮甜，好香帆立貝嘅味道🍣金目鯛 火炙後焦香帶出魚油香味，廚師話金目鯛主要係食皮下脂肪，燒過先會出油，食落真係滿滿嘅油香，但一啲都唔覺得膩🍣池魚食落都幾爽脆，重點加咗蔥同芝麻之後，食落真係好香🍣甜蝦肉質細面，味道真係好甜美，比牡丹蝦甜好多~另外加咗自家製蝦醬油同蝦油，更加香梭子魚經過炙烤到微焦，有少少焦香味之餘，食落肉質軟綿，感覺唔多油脂，唔會覺得膩🍣右口魚嘅油脂比左口魚豐富，經火槍烤過之後部分油脂融化咗，一食入口有種入口即化嘅感覺🍣腦天係吞拿魚頭頂嗰塊肉，一條吞拿魚得2塊噶咋！口感軟滑，油脂豐富而且魚味濃厚，真係好好食~🦑螢光魷魚唔係成日有，係一年嘅某幾個月份先有，口感彈牙有咬口，而且味道鮮甜🍣三文魚籽每一粒都好大粒飽滿，一咬即破嘅口感加上魚油嘅香味令整體層次好豐