笠笠咖啡 (Moved) New Location

之前見到朋友上嚟呢度學整班同埋咖啡拉花,已經心旭旭好想試下啦.終於book到位啦,呢一間工作坊其實係一間cafe嚟嘅以前就喺火炭而家搬咗嚟旺角喇..一入到嚟cafe第一感覺就係好的的骰骰,但係咩都有所有咖啡嘅用具呀,材料呀,全部一應俱全.咖啡導師好細心咁樣講解點樣運用工具,一步一步咁樣教我哋整班戟.....天生畫畫能力比較差嘅我將隻熊仔毀左容，好彩導師姐姐好細心甘幫我將佢微整形😂😂終於見得下人至於咖啡拉花方面， 佢有得畀你揀咖啡底或者朱古力，我就揀咗個朱古力底，導師姐姐就預先幫你沖好杯朱古力，然後上面啲泡就畀你自由發揮畫公仔啦， 拉花嘅顏色有三種啡色，紅色同埋黃色佢會預先幫你放好，之後你只要用支針慢慢點一點，就可以畫到你想要嘅公仔㗎喇。當你完成咗杯朱古力泡泡之後呢，就會將你頭先整嘅班戟加上伴碟咁就大功告成㗎啦。