咕嚕咕嚕

Open Now

Now Closed

諾士佛台真係好多酒吧，自己就喜歡樓上鋪嗰類型，感覺冇咁嘈，同埋會有啲私隱。今日happy hour嚟到呢間GULU GULU，成個場一眼睇晒，座位都係歸邊，中間一條好長嘅吧枱最吸睛，個場中間又有beer pong同埋桌球玩。我除咗貪佢上嚟會有啲私隱之外，仲係因為佢哋嘅嘢食而來。酒吧小食都係啲炸嘢之類，Pizza意粉佢哋都有，但係我覺得佢哋出色嘅係佢哋嘅串燒，10零$20一串唔算好貴，但係佢哋做到出邊串燒店嘅質素。咁我就叫咗一個拼盤同埋飲咗啲酒。呢個拼盤有帶子、雞翼、牛舌芯、羊肋串、日本黑豚腩肉。肉類都做到外脆內軟又多汁送返一杯啤酒呀真係一流。另外再飲多杯佢哋嘅signature cocktail：JERRY‘S VINEYARD。成個酒主要係葡萄味，上面加埋嗰粒冰葡萄，甜甜地好易入口。早嚟都唔算多人，傾吓偈係唔錯嘅地方。