Video
Read full review
2022-07-26
723 views
📍 Chang Thai Restaurant & Bar 朋友係澳洲番黎，緊係唔同佢食西餐啦，揀左銅鑼灣呢間泰國嘢！同上次食父親節嗰間同一棟，呢棟building食店林立！一打開𨋢就見到個好靚嘅吊椅，好打卡able！裝修都好fancy好有feel，同三五知己聚下啱曬！好似OpenRice book仲有8折，不過始終係銅鑼灣，定價會貴小小！—————————————————————❣️ 泰式串燒拼盤 $128牛肉、豬肉、雞肉各2串，肉質唔錯，燒得好香，好有肉味，唔會好嚡，連埋沙嗲醬更加惹味！.❣️黃咖喱炒軟殼蟹配薄餅 $288有2隻軟殼蟹，好大隻，炸到好脆，唔會炸到冇肉食！咖哩好惹味，唔會話好辣！餐牌本身係寫跟法包嘅，不過咁啱冇曬改左跟薄餅，仲好🐷鐘意薄餅多啲！.❣️泰式豬肉碎生菜 $138唔好意思我都唔知點解我張相變成咁🥹大家可以望下🫠呢個真係食泰國嘢必嗌，豬肉碎份量超級大，大碗到嚇親，入面仲溝左芫荽添！！！不過都幾辣下，又辣得好過癮喎！生菜用杯裝，好新鮮，好爽，夾埋好fresh，唔會齋食肉咁heavy!!.❣️泰國椰青 $48泰國嘢必嗌！不過呢價略嫌定價有啲高，個都清甜！—————————
朋友係澳洲番黎，緊係唔同佢食西餐啦，揀左銅鑼灣呢間泰國嘢！同上次食父親節嗰間同一棟，呢棟building食店林立！一打開𨋢就見到個好靚嘅吊椅，好打卡able！
裝修都好fancy好有feel，同三五知己聚下啱曬！好似OpenRice book仲有8折，不過始終係銅鑼灣，定價會貴小小！—————————————————————
❣️ 泰式串燒拼盤 $128
牛肉、豬肉、雞肉各2串，肉質唔錯，燒得好香，好有肉味，唔會好嚡，連埋沙嗲醬更加惹味！
.
❣️黃咖喱炒軟殼蟹配薄餅 $288
有2隻軟殼蟹，好大隻，炸到好脆，唔會炸到冇肉食！咖哩好惹味，唔會話好辣！餐牌本身係寫跟法包嘅，不過咁啱冇曬改左跟薄餅，仲好🐷鐘意薄餅多啲！
黃咖喱炒軟殼蟹配薄餅
$288
7 views
0 likes
0 comments
.
❣️泰式豬肉碎生菜 $138
唔好意思我都唔知點解我張相變成咁🥹大家可以望下🫠呢個真係食泰國嘢必嗌，豬肉碎份量超級大，大碗到嚇親，入面仲溝左芫荽添！！！不過都幾辣下，又辣得好過癮喎！生菜用杯裝，好新鮮，好爽，夾埋好fresh，唔會齋食肉咁heavy!!
.
❣️泰國椰青 $48
泰國嘢必嗌！不過呢價略嫌定價有啲高，個都清甜！
—————————————————————
不專業評分
👅好味指數:8/10
💰性價比:6/10
👍🏻推薦:7/10
—————————————————————
🏡地址: Chang Thai Restaurant & Bar (銅鑼灣)
銅鑼灣駱克道459-461號The L .Square7樓
🕑營業時間:12:00-22:00
Post
