Video
Read full review
2022-11-16
216 views
好耐無食過 #泰國菜 ，所以見有限時優惠，星期六嚟咗呢間樓上鋪試吓！餐廳嘅門口有張吊椅比人打客，餐廳內亦有好多好有特色嘅黃色波波燈，仲播住泰文歌；以樓上鋪來講，環境都幾舒適優雅，適合同親友聚餐，慢慢坐、慢慢食都唔怕🤗我哋慢慢坐、慢慢傾到到咗員工放飯時間，發現無論係呢度嘅侍應生定廚師都係泰國人，唔怪得啲食物味道咁正宗啦，加上精美擺盤，真係 #打卡 一流😍因為有你 二人套餐 限時優惠398 (原價$550)🎡幸福摩天輪有齊泰式生蝦、酸辣鳳爪、青木瓜沙律以及雞棗糯米腸。泰式生蝦大隻又彈牙，但有啲好辣。最印象深刻係青木瓜沙律，因為最近喺其他餐廳食咗個好難食嘅青木瓜沙律，但呢度嘅青木瓜沙律都幾好食，唔會又生又硬🤣🦀主菜選一喺黃咖喱軟殼蟹配農夫包/招牌泰式青芒魚/經典泰式海南雞(半隻)之中，我哋選擇咗最前者。四大件軟殼蟹炸得香脆唔油膩，令人讚不絕口！但最值得一讚嘅注滿農夫包嘅黃咖喱，唔辣但非常香口，無論要嚟點軟殼蟹定點麵包，甚至係撈飯、撈麵，都超級好食，如果唔係份量咁多，真係想食曬佢🤰🏻🌶湯類：冬陰功海鮮湯越飲越辣但非常惹味。有彈牙嘅蝦、青口、金菇、車厘茄同勁多香料，夠晒足料同有誠意😋💚甜品：椰汁
我哋慢慢坐、慢慢傾到到咗員工放飯時間，發現無論係呢度嘅侍應生定廚師都係泰國人，唔怪得啲食物味道咁正宗啦，加上精美擺盤，真係 #打卡 一流😍
因為有你 二人套餐 限時優惠398 (原價$550)
🎡幸福摩天輪
有齊泰式生蝦、酸辣鳳爪、青木瓜沙律以及雞棗糯米腸。泰式生蝦大隻又彈牙，但有啲好辣。最印象深刻係青木瓜沙律，因為最近喺其他餐廳食咗個好難食嘅青木瓜沙律，但呢度嘅青木瓜沙律都幾好食，唔會又生又硬🤣
🦀主菜選一
喺黃咖喱軟殼蟹配農夫包/招牌泰式青芒魚/經典泰式海南雞(半隻)之中，我哋選擇咗最前者。四大件軟殼蟹炸得香脆唔油膩，令人讚不絕口！但最值得一讚嘅注滿農夫包嘅黃咖喱，唔辣但非常香口，無論要嚟點軟殼蟹定點麵包，甚至係撈飯、撈麵，都超級好食，如果唔係份量咁多，真係想食曬佢🤰🏻
🌶湯類：冬陰功海鮮湯
越飲越辣但非常惹味。有彈牙嘅蝦、青口、金菇、車厘茄同勁多香料，夠晒足料同有誠意😋
💚甜品：椰汁西米糕
椰汁西米糕個椰汁味清香，細細件唔會太膩，作為一餐嘅完結就最好不過👍🏻
🍯飲品：青檸梳打/香茅薑蜜
冰凍嘅青檸梳打同香茅薑蜜係解辣嘅好幫手，如果味道再濃郁啲就更出色啦☺️
Post
