火赤

Open Now

Now Closed

日式燒鳥(焼き鳥)係一款喺日本好受歡迎嘅燒烤小食，通常係將雞肉切成小塊，用竹籤穿起嚟再用炭火燒烤，食落好Juicy。啲燒鳥常常會配上酸檸檬片或者醬油膏嚟提味，令口感更豐富。仲會提供唔同部位嘅燒鳥，例如雞心、雞肝、雞腸等等，食盡成隻雞每一部分。今晚去呢一間日本餐廳試佢哋嘅日式燒鳥，都有好多唔同款式嘅燒鳥。其中雞食道係我第一次食，彎彎曲曲拮係竹籤之上，燒到煙韌爽脆，口感好過癮。雞頸肉又彈牙又多汁。仲煙肉包芝士、雞翼、雞胗、糯米雞肉卷、秋葵、番薯都好好食。佢哋每一台都有六款唔同味道嘅調味料，山椒粉、一味粉、七味粉、咖哩鹽、抹茶鹽、柚子鹽味。另味道更加豐富。配上清酒或者綠茶，同朋友一齊講笑食燒鳥嘅感覺好悠閒舒適。最後甜品叫個抹茶蕨餅，消一消熱氣。呢間樓上店仲有戶外座位，吹吹風感覺更爽。