Video
Read full review
2021-08-19
4356 views
從閃友嘅網誌得知名首飾店旗下嘅餐廳「The Tiffany Blue Box Cafe」近月搞咗個生日推廣，二人或以上訂座嘅客人只需係該月份生日，並於指定時間內點選套餐，即可獲贈迷你蛋糕及可參與「Tiffany美鑽探索之旅」。貴為Tiffany粉多年嘅契妹八月生日，即相約小肥契哥把握機會去一轉尖沙咀打卡兼慶生！咖啡室位於大廈一樓大堂嘅電梯旁，其藍、白、銀色嘅方盒型設計同品牌相當吻口，唯一個銀漆招牌唔係咁顯眼，如果可以配合返棧啱位嘅射燈應該照得起。招牌嘅藍、白、銀色調延伸至玻璃箱內面積小小嘅用餐大堂。廳內嘅二至四人散座均以透明膠板隔開，相信最舒適就係左方嘅梳化位。桌上嘅餐具好多都係Tiffany出品，唔洗買又可以免費做宣傳，真係有商業頭腦；美中不足就係俾心水清嘅契妹發現銀器冇一件係Tiffany，明顯佢好介意囉！請留意，旗艦店導賞團「Tiffany美鑽探索之旅」雖然短短十五分鐘，但只會去到晚上七點，所以有意參觀或購物的話，訂座時記得預約定時間。由溫婉嘅店員姐姐帶領，方才知悉室內最入位置暗藏有一條通往商店嘅樓梯，啲梯級都幾高吓，穿著高踭鞋嘅女仕們要特別小心。XO仔對珠寶真係外行過外行，嘻嘻
咖啡室位於大廈一樓大堂嘅電梯旁，其藍、白、銀色嘅方盒型設計同品牌相當吻口，唯一個銀漆招牌唔係咁顯眼，如果可以配合返棧啱位嘅射燈應該照得起。
招牌嘅藍、白、銀色調延伸至玻璃箱內面積小小嘅用餐大堂。
廳內嘅二至四人散座均以透明膠板隔開，相信最舒適就係左方嘅梳化位。
桌上嘅餐具好多都係Tiffany出品，唔洗買又可以免費做宣傳，真係有商業頭腦；美中不足就係俾心水清嘅契妹發現銀器冇一件係Tiffany，明顯佢好介意囉！
請留意，旗艦店導賞團「Tiffany美鑽探索之旅」雖然短短十五分鐘，但只會去到晚上七點，所以有意參觀或購物的話，訂座時記得預約定時間。
由溫婉嘅店員姐姐帶領，方才知悉室內最入位置暗藏有一條通往商店嘅樓梯，啲梯級都幾高吓，穿著高踭鞋嘅女仕們要特別小心。XO仔對珠寶真係外行過外行，嘻嘻，不過進場時都認得出黑白照中為六十年代女神柯德莉夏萍企喺紐約Tiffany櫥窗嘅名電影情景。
研發部嘅顯微鏡都油哂Tiffany Blue架，夠哂搶眼！
快速睇完珠寶後就返上餐廳點菜。黎得打卡熱店，事前當然係做足功課啦，因深知飲品牌中嘅項目顏值唔高，飲開嘅香檳標價更屬酒店級，絕對不值，結果就只飲水水。
食物餐牌共有兩頁之多，要享有生日優惠二人必需點選全日供應嘅兩道菜（$358）或三道菜（$458）套餐，分別在於前者只可揀前菜或湯，後者就有齊兩道。
落好單，服務生迅即換上對應嘅餐具。自己冇潔癖，但總覺得餐具放喺冇枱布或餐墊嘅枱面上唔係咁衛生囉！契妹就解釋面前嘅餐桌獨特在其雲石紋理混入咗Tiffany Blue，屬品牌象徵之一，所以一定唔會遮住；小弟愚見，即使如此，但都可以用個餐具座承托住啲將會用嘅餐具，睇落仲可以高貴少少，一舉兩得。
北海道帶子薄片刺身（套餐另加$30；單點$198）：晚餐第一道頭盤於寫餸後約三分鐘後上枱，真係轉個頭就有得食，極速得有點兒驚嚇！
北海道帶子薄片刺身
$30
92 views
2 likes
0 comments
北海道帶子薄片刺身
$30
101 views
2 likes
0 comments
法式清雞湯配鴨肝小雲吞
57 views
2 likes
0 comments
法式清雞湯配鴨肝小雲吞
$148
39 views
2 likes
0 comments
法式清雞湯配鴨肝小雲吞
109 views
2 likes
0 comments
香烤西班牙豬扒
127 views
2 likes
0 comments
香烤西班牙豬扒（單點$248）
54 views
2 likes
0 comments
Petit Blue Box Cake
59 views
2 likes
0 comments
Petit Blue Box Cake
108 views
2 likes
0 comments
Petit Blue Box Cake
231 views
2 likes
0 comments
Post
