KOI Thé (弼街) (Closed)

飲過好多間既珍珠奶茶，覺得質數都幾參差，覺得始終要飲一啲大牌子大路野會好啲，今次跟朋友推介試左KOI，果然無令我失望。榛果奶茶好香既榛香味，同奶茶味好夾 ，呢杯野茶味都好清香，無被榛果香味蓋過，唔會太甜。不過講到最正既，梗係要加珍珠啦，同埋加珍珠都係加2蚊咋，好多珍珠，好有咬口，不過如果啲珍珠煮得再煙un啲就真係仲正啲啦!呢間分店都幾多人，所以人多既時候真係要預起碼等十幾二十分鐘先至到你呀，不過好味既野係值得等下既。