Video
Read full review
2023-11-18
88 views
今晚我同三位朋友去咗觀塘間榮哥廚房私房菜食晚餐，真係食得好滿足。我哋揀咗好多款菜式，全部都好出色！😋首先嚟嘅係本地水耕沙律菜伴芝麻醬🥬，新鮮嘅本地蔬菜口感爽脆，新鮮嘅程度好似朝早喺新界摘咁。榮哥自家甜酸齋就好老實講一般般，同出邊食到嘅甜酸齋差唔多。另外涼伴黑白木耳都係一般，好似係雪櫃直接拎出嚟咁。茶燻流心蛋伴黑魚子醬配厚切茄子🍆，個流心蛋煮得剛剛好，一切就流出嚟，魚子醬同茄子嘅組合亦好得意，但係食落去又完全冇違和感。慢煮海黃花配普寧豆醬伴黑魚子真係好正🐠🤤，海黃花煮得好嫩滑，豆醬同黑魚子可以帶到魚啲鮮味出嚟。原盅燉藥膳龍躉骨鮮淮山湯同原盅燉意大利牛肝菌豚肉雞腳甘筍湯都係高級湯品！個湯超級足料，啖啖肉，飲落去好暖胃。醬燒爽厚豚頰肉配柳丁汁青木瓜絲🐖，豚頰肉燒得剛剛好，口感軟嫩多汁，柳丁汁同青木瓜絲帶出咗一啲清新嘅味道，有少少泰式燒豬頸肉嘅感覺。蜜椒比利時杜洛克 St.Louis橄欖豬肋骨係我其中一個好鍾意嘅菜，豬肋骨燒得酥軟多汁，蜜椒醬汁帶嚟一啲微辣嘅風味，個味較得啱啱好好。招牌茶王燻雞亦係絕對唔可以錯過嘅一道菜🐓！雞肉燻得香口多汁，即使食咗15分鐘個雞仍然係好暖同彈牙。魚湯有機時令鮮蔬
首先嚟嘅係本地水耕沙律菜伴芝麻醬🥬，新鮮嘅本地蔬菜口感爽脆，新鮮嘅程度好似朝早喺新界摘咁。
榮哥自家甜酸齋就好老實講一般般，同出邊食到嘅甜酸齋差唔多。另外涼伴黑白木耳都係一般，好似係雪櫃直接拎出嚟咁。
茶燻流心蛋伴黑魚子醬配厚切茄子🍆，個流心蛋煮得剛剛好，一切就流出嚟，魚子醬同茄子嘅組合亦好得意，但係食落去又完全冇違和感。
慢煮海黃花配普寧豆醬伴黑魚子真係好正🐠🤤，海黃花煮得好嫩滑，豆醬同黑魚子可以帶到魚啲鮮味出嚟。
原盅燉藥膳龍躉骨鮮淮山湯同原盅燉意大利牛肝菌豚肉雞腳甘筍湯都係高級湯品！個湯超級足料，啖啖肉，飲落去好暖胃。
醬燒爽厚豚頰肉配柳丁汁青木瓜絲🐖，豚頰肉燒得剛剛好，口感軟嫩多汁，柳丁汁同青木瓜絲帶出咗一啲清新嘅味道，有少少泰式燒豬頸肉嘅感覺。
蜜椒比利時杜洛克 St.Louis橄欖豬肋骨係我其中一個好鍾意嘅菜，豬肋骨燒得酥軟多汁，蜜椒醬汁帶嚟一啲微辣嘅風味，個味較得啱啱好好。
招牌茶王燻雞亦係絕對唔可以錯過嘅一道菜🐓！雞肉燻得香口多汁，即使食咗15分鐘個雞仍然係好暖同彈牙。
魚湯有機時令鮮蔬以為冇乜特別，個驚喜在於個魚湯度，超級鮮甜。
大紅大紫炒飯配日本櫻花蝦係我哋嘅收尾菜式，食返啲Carbs飽埋個肚。炒飯煮得鬆散，飯粒鮮甜，櫻花蝦帶嚟一啲微咸嘅味道，好開胃。
最後，時令甜品嚟㗎湯丸，個薑水湯底好夠味，完美嘅結束😎。
26 views
1 likes
0 comments
Post
