榴槤樂園 (金巴利道) (Closed)

是夜食完晚飯仲覺得唔夠喉，於是周圍搵糖水食，點知全部都大排長龍，等位時間分分鐘耐過食碗糖水，正以為會敗走之際，友人提議去試下榴槤樂園。上完openrice 睇過，評價都算唔錯，就俾次機會佢啦。樓高2層既榴槤樂園位於三角公廁附近，雖然有點偏離最旺既地帶，反而感覺襯返榴槤，唔係人人都鐘意食。到達時還好唔算多人，店員可以即時安排入座。店面大量裝飾供客人拍照打卡今次一行4人，我叫點左一個4lbs 左右既貓山王。呢度既收費係唔同品種唔同價錢，再以重量計算。店員介紹貓山王係由自家果園種植，收成後立即急凍再空運到港，咁樣可以保存到剛剛時果一刻。😋😋😋😋😋