Video
Read full review
2024-08-08
4124 views
大喜屋一向以高質見稱，仲會定期推出新菜式，每次去都有新鮮感👀，已經去過數唔到咁多次！旺角呢間分店喺地鐵站附近，超就腳，食物款式又多又高質，晚市8:30之後去，依然爆棚要等入座，人氣超高企！最重要而家可以任食燒榴槤，連榴槤個胃都滿足到‼️-——————————————💕◖晚市放題◗ $298晚市8:30之後入座，$298一位，放題嚟講唔算平，但絕對抵食！佢食物款式多，而且食材一啲都唔劣，無論刺身、熟食定甜品雪糕，品質都有返咁上下，而且冇乜漏單嘅情況出現，上菜速度都好快，抵讚！👍🏻/刺身壽司🐟大喜屋刺身壽司都做得唔錯，刺身厚切鮮甜，而且壽司款式好多！刺身種類幾多，基本上都冇伏，大推佢嘅三文魚、油甘魚、池魚、馬刀貝、赤貝、帶子同甜蝦 ，超鮮甜！三文魚、油甘魚油脂豐富，食落甘甜；池魚嘅韌勁同甜蝦嘅黏糯嘅口感好正！除咗刺身，仲有多款壽司同手卷，推薦海膽三色塔、薄燒牛肉肝醬紫菜塔🍣！/一品料理🧆新推出好多熟食，今期係避風塘瀨尿蝦、香煎黑虎蝦同上湯翡翠百合螺片！必食嘅有極品榴槤燒，軟綿creamy，燒過之後更加甜；川燒珍寶廣島蠔🦪，連殼原隻上，上面放咗蒜蓉，肥美飽滿超爆汁，可以直接一打上；金銀粉絲蒸扇
-——————————————
💕◖晚市放題◗ $298
晚市8:30之後入座，$298一位，放題嚟講唔算平，但絕對抵食！佢食物款式多，而且食材一啲都唔劣，無論刺身、熟食定甜品雪糕，品質都有返咁上下，而且冇乜漏單嘅情況出現，上菜速度都好快，抵讚！👍🏻
/刺身壽司🐟
大喜屋刺身壽司都做得唔錯，刺身厚切鮮甜，而且壽司款式好多！刺身種類幾多，基本上都冇伏，大推佢嘅三文魚、油甘魚、池魚、馬刀貝、赤貝、帶子同甜蝦 ，超鮮甜！三文魚、油甘魚油脂豐富，食落甘甜；池魚嘅韌勁同甜蝦嘅黏糯嘅口感好正！除咗刺身，仲有多款壽司同手卷，推薦海膽三色塔、薄燒牛肉肝醬紫菜塔🍣！
/一品料理🧆
新推出好多熟食，今期係避風塘瀨尿蝦、香煎黑虎蝦同上湯翡翠百合螺片！必食嘅有極品榴槤燒，軟綿creamy，燒過之後更加甜；川燒珍寶廣島蠔🦪，連殼原隻上，上面放咗蒜蓉，肥美飽滿超爆汁，可以直接一打上；金銀粉絲蒸扇貝都係大大粒，咬落好juicy鮮甜！仲有大大隻燒乳鴿、鐵板鵝肝厚多士、椰皇燕窩燉蛋白，高質又好食！
/燒物🍢
有牛舌、鰻魚、羊架、燒菠蘿、翠玉瓜呢啲，上枱全部熱辣辣，燒得香口！菠蘿同翠玉瓜都好清甜，啱晒消膩！另外仲有一啲居酒屋嘅菜式，好似西京燒比目魚、鱈魚乾，食材用料高質，調味亦做得啱啱好，帶得出食物嘅味道！
/炸物🍘
日式天婦羅有皇帝蟹棒、虎蝦、南瓜同番薯仔，另外仲有芝麻雞翼、榴槤炸彈同香芋丸、芝士年糕同炸鮮奶，款式唔算太多～必食嘅一定係佢嘅流心榴槤炸彈同鹹香芝士年糕，兩個都熱辣辣，煙韌香口，正！
/煮物🍜
有雪花牛肉鍋、牛肉湯烏冬、黑蒜油豬骨拉麵、清酒煮蜆、蟹黃粥呢啲，做得都幾出色！食落相對上容易飽肚，啱晒喺食生冷嘢之前食少少墊一墊胃！
/甜品🍨
多數甜品都係自助區自取，除咗自家製嘅奶凍、布甸之外，仲有任拎嘅雪糕櫃，Häagen-Dazs雪糕杯都係任拎😍！
/飲品🧃
有咖啡機同多款自取包裝飲品，仲有樽仔奶茶、珍珠奶茶、清酒同自家製冷泡茶可以選擇～
🌟Encore指數：8.5/10
Post
