八月堂 (Closed)

本身都好鍾意八月堂啲牛角包，因為佢口味好多，今次佢出咗榴槤味，咁我自己都鍾意食榴槤，一於決定買來試吓。榴槤味牛角包 我覺得價錢都幾合理嘅， $26 一個。佢中間夾咗好多榴槤蓉，所以榴槤味極濃郁，唔係你平時食到嗰啲人工化學味。不過唔知係咪因為我外賣拎返屋企，佢個皮我覺得唔脆，如果外皮更加脆會更好。其他評價：暫時食過咁多款味道入面，呢隻味係當中最鍾意既，另外佢有一隻新出嘅蒜蓉多士亦都好好食，呢兩樣嘢100%會返兜。