糖佰府 (Closed)

繼續為自己送上一點甜，成日都想試一d新既甜品，每次都會有不同驚喜。係九龍城食完晚飯，知道個頭咁多甜品點，當然要搵間試下啦！行呀行，見到間「糖佰府」，好似同平時見既「糖百府」唔同，原來個名唔同，menu唔同，完全係唔同，令我更加有興趣去試，一入門口就有陣陣榴櫣香，算我無黎錯地方。我愛榴櫣，更愛榴櫣甜品。除左成日都會有既榴櫣pancake，仲有榴槤忘返，榴金歲月，榴戀天使，聽個名，真係估唔到係咩，問左店員之後就知原來係榴槤忘返，豆腐花底榴金歲月，黑糯米底榴戀天使，西米底我揀左榴槤忘返，底層係豆腐花，上面有榴槤肉，圓子，椰果，豆腐花好滑，圓子好有咬口，椰果好Q，幾樣質地唔同既野放埋一齊！感覺好特別。而主角新鮮既榴槤果肉，勁香，味道好濃郁！食落帶點點甘味。呢個甜品既價錢只係38蚊，真係物有所值。下次要再黎試下佢既中式甜品先得。