榴蓮王 (Closed)

駕車途經見到好大個招牌寫住「榴蓮王」，恰巧有少少餓，身為榴槤控嘅我哋便決定到店試下，順便醫肚。一如想像，店家有多款榴槤食品供應，包括飲品、雪米糍、班㦸、泡芙、心太軟、拿破崙、布丁、蛋糕、榴槤冰、榴槤卷、榴槤肉、榴槤肉醬，最特別嘅係有榴槤Pizza同白雪餅。款款都想試，但係肚子空間有限，所以叫住幾樣試吓先。榴槤奶昔 $38榴槤奶昔好香滑，見到有一大堆果肉喺入面，好足料。D24榴槤白雪餅 $20白雪餅有好多口味供應，我哋就揀咗榴槤餡。見到店家喺現場新鮮烤製，一上桌已經聞到香氣撲鼻。餅質好軟彈，原來係用日本米漿製成，健康得來口感又好。餅中間熱暖的榴槤，香味很濃郁。全果肉貓山王榴槤Pizza $58估唔到榴槤可以做pizza，更加估唔到榴槤同芝士味會咁夾。薄薄的餅底又香又脆，上面佈滿榴槤果肉，再加上一層分量十足嘅芝士，味覺和口感都很豐富。芝士重要做到拉絲效果！店家仲好細心咁提供埋膠手套拎pizza 食，夠晒衛生！流心榴槤心太軟 $48見住心太軟喺焗爐即製。食完其他嘢，心太軟剛好出爐，時間啱啱好。有忌廉、朱古力醬同果醬伴碟，賣相很精美，食得又睇得。還伴有一球榴槤冰，有很香甜的榴槤味，夠冰凍，食到