Corefy (Under Renovation)

作為榴槤愛好者，見到呢間cafe呢期promote緊貓山王榴槤甜品，梗係唔可以錯過啦！ 法式榴槤croffle用牛角酥壓成窩夫造型，有牛角酥嘅鬆脆，同時有窩夫嘅彈性。鋪上榴槤果肉同自家製嘅榴槤cream，好香滑。配上自家製榴槤雪糕，成個口腔都係榴槤香味。加咗少量堅果，增加口感層次。 霸氣榴槤芭菲杯一樣係榴槤果肉、自家製榴槤cream同榴槤雪糕；中間係穀物片，有脆脆口感；下層係愛玉，改良版加咗椰奶冇咁寡，食到最底都有少少甜味。 薄荷青檸梳打因為係真榴槤果肉又有cream，難免會覺得好full。為咗減低飽滯感，可以點一杯薄荷青檸梳打。Me好怕好濃烈嘅薄荷味，好似食緊牙膏咁，但呢杯完全唔會。雖然係剁碎咗啲薄荷葉，但唔會好刺激，反而好清新，可以清爽味蕾。 Cafe嘅自家製榴槤雪糕都好天然，冇落化學添加劑，對人體冇害。另外，除咗大廳之外，cafe亦設有寵物區同小朋友區，非常貼心。店員都好nice，感受到真係想同客人建立關係。