Video
Read full review
2023-10-15
49 views
蘇媽喺出面個舖位開咗間So Bar, weekend 有live band，又有酒飲，食fusion西餐。是晚本身嘅期待同龜咪摸下酒杯仔聽下歌仔，點知入面好full, 被安排到坐出面,只可以隔住埲牆咁隱約聽到首愛如潮水...🤧 榴槤控必試《Durian Kiss $118》🐠以貓山王果蓉、Baileys、開心果酒、開心果碎打成，用接吻魚嘅杯呈上。店員會再放一隻靚靚spoon，上面唧一個薰衣草味嘅泡泡，爆咗之後聞到陣陣花香~ 杯cocktail杰到要用飲管飲。榴槤味超級超級濃，出奇地同baileys非常夾，飲落好似一杯特濃榴槤奶昔，Yumyum!🤤🤤 《Awakening Earl Grey＄128》🥃未飲已經可以打卡。店員會拎開玻璃蓋，釋出佛手柑香味嘅煙，率先享受咗視覺同嗅覺嘅體驗先。係有伯爵茶infused 嘅Gin。呢杯酒精濃度極高，入口比較哽。配以一塊新鮮果皮做點綴，帶點小清新。呢杯酒，越飲，真係會有似醉尤醒嘅感覺。 《馬來當歸燒春雞 $178》店員推薦我哋試呢個, 話係用特製方法, 以當歸嚟燒， 還真的不錯。隻小春雞一啲都唔小，皮好薄，燒得鬆脆，保持肉汁，亦都真係食到淡淡當歸味
榴槤控必試《Durian Kiss $118》🐠
以貓山王果蓉、Baileys、開心果酒、開心果碎打成，用接吻魚嘅杯呈上。店員會再放一隻靚靚spoon，上面唧一個薰衣草味嘅泡泡，爆咗之後聞到陣陣花香~ 杯cocktail杰到要用飲管飲。榴槤味超級超級濃，出奇地同baileys非常夾，飲落好似一杯特濃榴槤奶昔，Yumyum!🤤🤤
《Awakening Earl Grey＄128》🥃
未飲已經可以打卡。店員會拎開玻璃蓋，釋出佛手柑香味嘅煙，率先享受咗視覺同嗅覺嘅體驗先。係有伯爵茶infused 嘅Gin。呢杯酒精濃度極高，入口比較哽。配以一塊新鮮果皮做點綴，帶點小清新。呢杯酒，越飲，真係會有似醉尤醒嘅感覺。
《馬來當歸燒春雞 $178》
店員推薦我哋試呢個, 話係用特製方法, 以當歸嚟燒， 還真的不錯。隻小春雞一啲都唔小，皮好薄，燒得鬆脆，保持肉汁，亦都真係食到淡淡當歸味，非常特別嘅味道，亦唔會過份調味。
而最有驚喜嘅係配菜：竟然係法式gratin dauphinoise potatoes !! 我其中一樣飛佛，除咗千層麵，就係呢個薯仔千層批! 好食到有啲喧賓奪主嘅感覺！如果可以單點，直頭會加單！另一個配菜係蒜蓉炒菜，三樣嘢拍埋一齊，各有千秋💥
Post
