DAMA (Closed)

雪糕, 好多地方都有得食, 但係純素雪糕就唔係度度都有。我本身對牛奶有少少敏感, 所以奶類製品都盡量少食。而呢度既雪糕係不含牛奶架!!! (亦不含雞蛋成份), 所以我可以食得好放心!店內設有打卡位, 可以俾客人影靚相。但無奈空間比較細, 當人多的時候, 就比較難影到相。貓山王榴槤雪糕 ($68)貓山王的味道超級濃郁, 口味綿密。每食完一啖, 口入面仍然殘留住榴槤的餘香, 好似食緊真榴槤咁。本身榴槤都偏燥熱, 但當佢變成雪糕之後, 每一啖都涼浸浸, 感覺食幾多都唔會熱氣咁, 正!紅肉火龍果雪糕 ($42)由於有80%都係火龍果肉, 所以味道好清甜, 而且佢既甜係帶一種天然既甜味, 唔會好似其他雪糕咁重奶味, 或者一味死甜, 所以唔會有果種食到好漏既感覺。另外, 基本上係食既過程中, 啖啖都食到少少火龍果籽, 係一個好特別既雪糕體驗。