Video
Read full review
2018-10-14
62 views
同鍾意食榴槤嘅朋友黎左觀塘嘅工業大廈裏嘆榴槤，位置都有點偏遠，好彩朋友在觀塘返工，都幾熟路。行到去近麗港城個邊的敬業大廈，有分AB座的，B座先啱㗎，入到去就見到水牌寫住榴槤bb，上到去即刻就傳黎強烈的榴槤香味，榴槤飄香呀～除左榴槤，仲有一系列嘅榴槤製品賣，本想買啲返屋企做手信，但仲有好多個鐘先返歸就作罷了，揀左兩樣乾貨算啦，易攜帶啲嘛。工廈黎講環境都唔錯，好夠冷氣，簡單枱櫈但都好好坐，夠濶落。是日戰利品，有貓山王榴槤脆脆（$80），貓山王榴槤爆谷（$39），貓山王芝士雲頂炭燒烏龍茶（$38），榴槤品鑑盤（$150）（兩個乾貨留比屋企人，但佢地仲未捨得食…）先嚐嚐飲品，開蓋式設計，當然要黎個45度角飲下。一啖飲落去，先係榴槤嘅甜味，再有芝士嘅鹹香，最後係茶味嘅幽香，細味多幾啖仲有榴槤肉添，一向係芝士奶蓋控，呢杯飲品真係一試愛上，無得彈呀跟住梗係要食品鑑盤啦，貼心地附上載核兜，手套同濕紙巾，旁邊仲有乾紙巾，唔怕食得狼狽啦。品鑑盤呀有五款味道，聽朋友講話唔係次次一樣，睇下個排邊個品種當造㗎。店家建議由清淡食到濃味，即係由上而下咁食法名種>長柄>金包>山頂XO（D24）
行到去近麗港城個邊的敬業大廈，有分AB座的，B座先啱㗎，入到去就見到水牌寫住榴槤bb，上到去即刻就傳黎強烈的榴槤香味，榴槤飄香呀～
除左榴槤，仲有一系列嘅榴槤製品賣，本想買啲返屋企做手信，但仲有好多個鐘先返歸就作罷了，揀左兩樣乾貨算啦，易攜帶啲嘛。
工廈黎講環境都唔錯，好夠冷氣，簡單枱櫈但都好好坐，夠濶落。
是日戰利品，有貓山王榴槤脆脆（$80），貓山王榴槤爆谷（$39），貓山王芝士雲頂炭燒烏龍茶（$38），榴槤品鑑盤（$150）（兩個乾貨留比屋企人，但佢地仲未捨得食…）
先嚐嚐飲品，開蓋式設計，當然要黎個45度角飲下。
一啖飲落去，先係榴槤嘅甜味，再有芝士嘅鹹香，最後係茶味嘅幽香，細味多幾啖仲有榴槤肉添，一向係芝士奶蓋控，呢杯飲品真係一試愛上，無得彈呀
跟住梗係要食品鑑盤啦，貼心地附上載核兜，手套同濕紙巾，旁邊仲有乾紙巾，唔怕食得狼狽啦。
品鑑盤呀有五款味道，聽朋友講話唔係次次一樣，睇下個排邊個品種當造㗎。店家建議由清淡食到濃味，即係由上而下咁食法名種>長柄>金包>山頂XO（D24）>貓山王。
名種
長柄
金包
D24
貓山王全部都又甜又滑，香味十足，好難揀邊款最好味，貪心地梗係一次過食哂正啦。軟綿綿嘅口感，入口即化，榴槤嘅香味久久不散，實在太幸福了
平時屋企人係街市買榴槤，唔係次次揀得靚，有時個殼大入面無乜肉，有時粒核又勁大粒，都係朋友介紹黎呢度食正喎，有得睇過先食，價錢唔貴就食到靚榴槤，十個like
Post
