御前上茶 (Closed)

見到御前有貓山王榴槤雪糕賣，近期榴槤大熱，都想試試，拎左飛好快就入座，見到無最低消費，兩個人食一杯雪糕都可以，而且招呼都幾好，唔會因爲叫得少而唔高興。榴槤雪糕份量幾多，兩個人食比較好，用貓山王榴槤製成，味道頗濃郁，唔會偏甜或偏奶，口感滑溜，另外仲有小堆榴槤肉，味道更濃了。芭菲底下有脆米、抹茶蛋糕、豆腐布丁等，清清地，味道都幾夾，平衡返榴槤嘅濃味。雖然要88元，但造型幾靚可以呃like，又幾好食，都值得一試，論雪糕，好味過M記的好多啦，但榴槤肉就少d。