貓山皇 (Closed)

前兩日經過貓山皇，雪糕依然停售。貓山皇係其中一間個人比較鐘意推介俾朋友嘅甜品小店。要澄清一點係，我唔係榴槤迷～舖面裝修雖然唔算吸引，入到去又細，擺左啲貨櫃出泥做裝飾同洗手間，但湊湊埋埋，又會覺得幾型幾有工業味，同埋坐得幾舒服，似cafe多過甜品舖～榴槤pancake榴槤拿破崙，都好榴槤，果肉佔嘅比例較重，餅皮正常，整體ok。相對榴槤雪糕，俾人印象深刻，質地好幼滑，creamy得泥又唔會漿口，甜度剛好，榴槤味無其他榴槤甜品咁重，但可能係凍冰冰嘅關係，榴槤迷同非榴槤迷都表示「反而仲好食」忍唔住一啖又一啖～每次幫襯都會叫雪糕，隔一排又會心郁郁想食。榴槤雪糕，究竟你仲會唔會番泥～～～