榴槤BB (Closed)

又一榴槤fans 樂園，今次嚟到觀塘工廈。觀塘工廈一早就知道多好嘢食，估唔到榴槤都殺到入嚟。一岀𨋢已經好大陣榴槤香氣。近年好流行奶蓋茶，為食妹由香港飲到番深圳。不過最令我難忘既一定係呢杯貓山王奶蓋雲頂炭燒烏龍茶。先講茶底，茶味香濃，就算有重榴槤味嘅奶蓋亦未會完全掩蓋。再講奶蓋，厚身之餘亦夠滑溜，重點係加入了貓山王打起，再加入新鮮果肉。為食妹一啖接一啖，十秒飲完。新鮮果肉永遠係最愛，一盒榴槤果肉$148 ，特別之處喺一盒包括了5款不同品種的榴槤。由淡身的長柄至最香濃的貓山王，都可以喺一盒內試到。細心嘅榴槤bb 仲為你準備手套及濕紙巾。