榴蓮王 (Closed)

榴槤係一種令人又愛又恨嘅食物。吾鐘意食嘅人會覺得佢臭到死,同食垃圾冇分別。但如果係同我一樣係榴槤愛好者就會愛到愛死佢。所以當我發現依間專賣榴槤小食嘅小店嘅時候我真心覺得佢係一個天堂。除咗可以買到榴槤製成嘅小食之外,仲有完個新鮮貓山皇或者已拆肉嘅貓山皇賣。超級推介依個榴槤芝士凍餅,榴槤蛋糕我就食過。不過凍餅就第一次見,底層有威化餅底而中間就有大量榴槤蓉,連面頭嘅芝士蛋糕亦有濃濃嘅榴槤味。超級足料嘅榴槤拿破崙,鬆脆嘅拿破崙酥皮每層都夾雜住大量嘅榴槤蓉,真材實料。一脆一軟綿嘅口感非常之夾。依個小小嘅一囗泡芙外皮軟身,但裏面嘅榴櫣吉士就非常突出。聽聞係依度嘅招牌所以即刻order左一個嚟試吓,即叫即做。老闆亦建議我哋最後食因為貓山王嘅味道較為濃郁。熱辣辣嘅白雪餅外皮係用咗用日本米漿整成,口感煙煙靱靱。裏面嘅貓山皇蓉味道非常之濃郁,食完齒頰留香,正。